مئی کی فلکیاتی صورت حال کا جائزہ، ایک سخت وکرخت مہینے
کا آغاز
چینی صدر کی آمد سے پاکستان
میں ایک جشن کا سا سماں رہا اور کیوں نہ ہو پاکستان کے حقیقی اور سچے دوست کی حیثیت
سے چین کا کردار ہمیشہ نمایاں رہا ہے‘ یہ دورہ گزشتہ سال ہونا تھا مگر تحریک انصاف
کی دھرنا سیاست کے سبب تاخیر کا شکار ہوا بہرحال دیر آید درست آید۔
چین اور پاکستان کے درمیان
تقریباً 46 ارب ڈالر کے معاہدے طے پائے ہیں اور اگر یہ تمام سرمایہ پاکستان میں ترقیاتی
منصوبوں اور عوامی فلاح و بہبود کے کاموں پر لگادیا گیا تو یقیناً اس ملک کی قسمت بدل
جائے گی مگر اے بسا آرزو کہ خاک شدہ کیوں کہ ماضی کی تاریخ تو ہمیں یہی بتاتی ہے کہ
ایسے بہت سے منصوبے اور پروگرام ماضی میں بھی سامنے آتے رہے ہیں لیکن ان کا فائدہ ملک
اور عوام سے زیادہ پاکستانی اشرافیہ کو حاصل ہوا ہے۔
اپنے تازہ ترین کالم میں سینئر
صحافی جناب نذیر احمد ناجی نے کچھ ایسے ہی خدشات کا اظہار کیا ہے ‘ وہ لکھتے ہیں” دنیا
میں کسی بھی طرف سے سرمایہ کاری ‘ قرضے یا امداد ملے ‘ حکمران کلب کی کوشش ہوتی ہے
کہ اسے نقدی کی صورت میں جلد از جلد بیرونِ ملک منتقل کردیا جائے “
نذیر ناجی صاحب سے زیادہ کون
پاکستان کے حکمرانوں کو جانتا ہوگا اور ان کا یہ خدشہ کچھ ایسا بے سبب بھی نہیں ہے
کیوں کہ اب تک یہی تماشے ہوتے آئے ہیں‘ وہ مزید اس خدشے کا بھی اظہار کرتے ہیں کہ اگر
چینیوں نے اپنے منصوبوں کو پایہ تکمیل تک پہنچانے کے لیے زیادہ سخت انداز اختیار کیا
اور رقوم اپنے ہاتھ سے خرچ کرنے کی کوشش کی تو پھر ہمارے حکمران‘ بیورو کریٹس‘ سرکاری
ادارے چلانے والے اور ٹیکنو کریٹس سخت مزاحمت کر سکتے ہیں، وہ چینیوں کو کام ہی نہیں
کرنے دیں گے۔
وہ لکھتے ہیں ” اب ہمارے حکمران
اور بیورو کریٹس حصہ پتّی نہیں لیتے ‘ ساری دیگیں لے جانا پسند کرتے ہیں، اب یہ دیگیں
اٹھا کر پاکستان کے اندر نہیں رکھتے ‘ گرم گرم دیگوں کو بیرونِ ملک منتقل کر دیتے ہیں‘
ہو سکتا ہے ‘ معاہدوں پر دستخط کرتے ہی ارباب اقتدار میں سے کچھ لوگ بیرون ملک رابطے
بھی کر چکے ہوں کہ چین سے مال آنے والا ہے ‘ ٹرمز اور کنڈیشن بتائیں جن کے تحت آپ ہمارے
ڈپازٹ رکھیں گے اور ساتھ ہی یہ بھی بتائیں کہ راز داری کی گارنٹی کیا ہوگی؟ یہ بھی
ہو سکتا ہے کہ پاکستانی کالے پیسے کا کاروبار کرنے والوں کے نمائندے ابھی سے پاکستان
کا رخ کر چکے ہوں اور پس پردہ ڈیلز شروع کی جا چکی ہوں‘ دبئی میں بیٹھے سوداگر یقیناً
سرگرم ہو چکے ہوں گے ‘ آخر 46 ارب ڈالر آنا ہیں“
عزیزان من! موجودہ جشن جو
چینی صدر کی آمد پر برپا ہے، اس کا یہ ڈراپ سین بھی ذہن میں رکھا جائے اور یہ سارے
خدشات کسی عام سے صحافی کے نہیں ہیں‘ نذیر ناجی صاحب بھٹو صاحب کے زمانے سے اس ملک
کے تمام رنگ ڈھنگ دیدہ شُنیدہ ہیں‘ ماضی کی کئی حکومتوں کے ساتھ اور تمام سیاسی لیڈروں
کے ساتھ ان کے ذاتی تعلقات رہے ہیں، اُن پر عزم بہزاد مرحوم کا یہ لافانی شعر صادق
آتا ہے
ہمارے لہجے میں یہ توازن بڑی صعوبت کے بعد آیا
کئی مزاجوں کے دشت دیکھے ، کئی رویوں کی خاک چھانی
بہر حال دعا ہی کی جا سکتی
ہے کہ موجودہ 46 ارب ڈالر کی سرمایہ کاری بیرونی ملکوں کے بنکوں میں نہ پہنچ جائے اور
ہمارے ارباب سیاست و اقتدار جو اب تک ارب پتی ہو چکے ہیں ‘ مزید کھرب پتی بننے کے شوق
اور خبط سے باز آئیں اللہ اگر توفیق نہ دے انسان کے بس کا کام نہیں ۔
اپریل کا مہینہ رخصت ہو رہا
ہے اور مئی آگ برسانے کے لیے ہمارے سروں پر آچکا ہے ‘5 سال تک پیپلز پارٹی کا جمہوری
دور حکومت اور موجودہ ن لیگ کے جمہوری دور کا تیسرا سال شروع ہوا چاہتا ہے مگر بجلی
کا بحران جہاں تھا، ہنوز وہیں ہے،مئی جون میں کیا ہوگا ، ہر سال کی طرح یہ خوف اپنی
جگہ ہے۔
حسب معمول مئی کی فلکیاتی
پوزیشن پر نظر ڈال لی جائے۔
مئی کے ستارے
ستارۂ حکومت و اقتدار شمس برج ثور میں حرکت کر رہا ہے‘21مئی
کو برج جوزا میں داخل ہوگا۔
فلکیاتی وزیر اطلاعات و نشریات
سیارہ عطارد یکم مئی کو اپنے ذاتی برج جوزا میں داخل ہوگا‘19مئی کو اسے رجعت ہوجائے
گی اور12جون تک یہ برج جوزا ہی میں بحالت رجعت حرکت کرے گا‘ اسی دوران میں غروب بھی
ہوگا‘ عطارد کی پوزیشن برج جوزا اور سنبلہ والوں کے لیے مئی کی 19 تاریخ کے بعد سے
بہتر نہیں رہے گی اور انہیں صحت کے علاوہ خراب کارکردگی کے مسائل کا بھی سامنا ہو سکتا
ہے‘دیگر بروج کے حامل افراد بھی اپنے زائچے کی مناسبت سے عطاردی معاملات میں مشکلات
کا سامنا کر سکتے ہیں۔
توازن و ہم آہنگی اور محبت
و دوستی کا سیارہ زہرہ اپنے برجِ اوج سے نکل کر 8مئی کو آبی برج سرطان میں داخل ہوگا
اور پورا مہینہ اسی برج میں حرکت کرے گا‘ قوت و توانائی کا ستارہ مریخ برج ثور میں
ہے اور 12مئی کو برج جوزا میں داخل ہوگا ‘ سیارہ شمس سے قربت کی وجہ سے مریخ بھی غروب
ہے لہٰذا برج حمل اور عقرب والے بعض مسائل کا سامنا کر رہے ہوں گے ۔
وسعت و ترقی اور علم کا ستارہ
مشتری اپریل میں مستقیم ہو کر اپنی سیدھی چال پر آ گیا ہے اور پورا مہینہ برج اسد میں
حرکت کرے گا ‘ سیارہ زحل برج قوس میں بحالت رجعت حرکت کر رہا ہے اور یورنیس برج حمل
میں ‘ جب کہ نیپچون برج حوت میں اور پلوٹو بحالت رجعت برج جدی میں ہے‘ راس اور ذنب
بالترتیب برج میزان اور برج حمل میں متحرک ہیں ۔
نظرات و اثرات سیارگان
مئی کا مہینہ ہمیشہ سے گرم
اور آگ برسانے والا مشہور ہے جس کی انتہا جون میں ہوتی ہے ‘ اس بار مئی میں نحس نظرات
زیادہ ہیں اور سعد کم ‘ اس اعتبار سے مئی کو ایک آسان مہینہ نہیں سمجھنا چاہیے‘ کسی
بھی غفلت کا مظاہرہ مسائل و مشکلات میں اضافہ کرے گا کیوں کہ تقریباً مہینے کا زیادہ
حصہ عطارد اور مریخ کی وجہ سے متاثرہ ہو گا‘ مزید اس ماہ میں اہم سیار گان کے درمیان
قائم ہونے والے زاویے بھی خاصے نحوست اثر ہیں۔
مئی میں اہم سیاروں کے درمیان
چار مقابلے ‘ چھ تربیعات ‘ دو تثلیثات اور دو قران کے زاویے بنیں گے جبکہ تسدیس کا
کوئی زاویہ نہیں ہے۔
3مئی:
عطارد اور زحل کے درمیان مقابلے کی نظر ہوگی‘ یہ منفی اثرات کی حامل ہے ‘ آپ کے منصوبے
تعطل کا شکار ہو کر کوئی منفی رخ اختیار کر سکتے ہیں ‘ اپنی اہلیت ثابت کرنے کی ضرورت
ہوگی ‘ بااثر افراد اثر انداز ہو سکتے ہیں ‘ اس وقت میں اہم نوعیت کے تحریری معاہدے
کرنا نامناسب ہوگا خصوصاً طویل المدت معاہدات سے گریز کریں ‘ عطارد کا تعلق ذرائع ابلاغ
اور پیغام رسانی سے ہے ‘ سائبر کرائم کے حوالے سے ایک بل تیار ہو رہا ہے جس پر ماہرینِ
قانون کو اعتراضات بھی ہیں ‘ اگر یہ مئی میں منظور کیا گیا تو متنازع حیثیت اختیار
کرے گا اور عوام کے بنیادی حقوق سلب ہوں گے ۔
4مئی:
شمس اور مشتری کے درمیان تربیع کی نظر ہوگی ‘ یہ نحس نظر پیشہ وارانہ یا دوستانہ مفادات
کو نقصان پہنچا سکتی ہے ‘ بعض معاملات ہاتھ سے نکل سکتے ہیں‘ لہٰذا محتاط انداز اختیار
کرنا ضروری ہوگا ‘ زیادہ وعدے اور غرور و تکبر سے گریز کریں‘ حکومت کی طرف سے بھی سخت
احکامات اور قوانین کا امکان نظر انداز نہیں کیا جا سکتا‘ اس مرحلے پر اعلیٰ شخصیات
سے تعلقات متاثر ہو سکتے ہیں۔
6مئی:شمس
اور پلوٹو کے درمیان تثلیث کا سعد زاویہ ہوگا‘ یہ نظر نئے امکانات اور نئے راستوں کی
نشان دہی کرتی ہے‘ مستقبل کی منصوبہ بندی کرنا اس دوران میں بہتر ہوگا ‘ ٹھوس بنیادوں
پر فیصلے اور اقدام کیے جائیں لیکن فوری نتائج کی توقع نہ رکھی جائے۔
9مئی:
عطارد اور نیپچون کے درمیان تربیع کی نظر قائم ہوگی ‘ یہ نظر ذہنی طور پر الجھاؤ پیدا
کرتی ہے ‘ جھوٹ اور شیخی جیسی خرابیاں پیدا ہوتی ہیں ‘ زیادہ خود اعتمادی سے نقصان
پہنچتا ہے‘ اس دوران میں اپنی خواہشات کو چیک کریں‘ کہیں آپ غلطی پر تو نہیں ہیں‘افواہوں
پر یقین نہ کریں ‘ ایسی خبریں عام ہو سکتی ہیں جن کی حقیقت مشکوک ہوگی۔
15مئی:
مریخ اور زحل کے درمیان مقابلے کی نظر ایک انتہائی منحوس زاویہ خیال کیا جاتا ہے‘ ان
دونوں سیارگان کا قران بھی اور مقابلہ بھی منحوس اثرات کا حامل ہوتا ہے ‘ کمزور اور
نچلے طبقے کے افراد پر ظلم و زیادتی کے واقعات سامنے آتے ہیں‘عام آدمی مشکلات کا شکار
ہوتا ہے ‘ ملکوں کے درمیان کشیدگی بڑھتی ہے اور نئے تنازعات جنم لیتے ہیں جو طویل المدت
پریشانیوں کا آغاز کرتے ہیں۔
16مئی:
عطارد اور نیپچون کے درمیان تثلیث کی سعد نظر ہوگی، یہ نظر تخلیقی صلاحیتوں میں اضافہ
کرتی ہے اور ایسے کاموں میں مدد گار ثابت ہوتی ہے جن کا تعلق آرٹسٹک سرگرمیوں سے ہو‘
اظہار رائے کے بہتر مواقع ملتے ہیں‘ اس نظر کے تحت شاہکار تخلیق ہوتے ہیں، شاعر ، مصور
اور موسیقار اس وقت طبع آزمائی کرسکتے ہیں۔
22مئی:
زہرہ اور پلوٹو کے درمیان مقابلے کی نحس نظر ہوگی‘ یہ نظر تعلقات میں تناؤپیدا کرتی
ہے‘ محبت دوستی یا ازدواجی زندگی میں عدم توازن کے سبب کشیدگی پیدا ہو سکتی ہے‘ انتہا
پسندانہ سوچ اور رویے سے گریز کرنا چاہیے،خصوصاً خواتین کو دباؤاور شدت پسندانہ رویوں
کا سامنا ہوسکتا ہے۔
23مئی:شمس
اور زحل کے درمیان مقابلے کا زاویہ قائم ہوگا‘ حکومت کی طرف سے پابندیاں اور حوصلہ
شکن صورت حال سامنے آ سکتی ہے‘ عام افراد پر کام کی زیادتی ‘ گھریلو یا کاروباری پریشانیوں
کا بوجھ بڑھ سکتا ہے ‘ پراپرٹی کے حوالے سے ناساز گار ماحول پیدا ہوتا ہے جو حکومت
کے غلط فیصلوں کے سبب ہو سکتا ہے،صاحب اقتدار یا اعلیٰ عہدہ و منصب پر فائز افراد کو
تنزلی کا سامنا ہوسکتا ہے۔
25مئی:
زہرہ اور یورنیس کے درمیان تربیع کا نحس زاویہ باہمی تعلقات میں انتشار کا باعث ہو
سکتا ہے‘ محبت یا دوستی کے معاملات یا پیشہ وارانہ تعلقات‘ کوئی فتنہ یا فساد پیدا
ہو سکتا ہے‘ صورت حال اچانک غیر متوقع طور پر تبدیل ہو سکتی ہے، اس موقع پر لچک دار
رویہ اختیار کرنا مناسب رہتا ہے ورنہ کوئی فوری نوعیت کا سانحہ جنم لے سکتا ہے۔
26مئی:
مریخ اور نیپچون کے درمیان تربیع کا زاویہ نحس اثرات رکھتا ہے‘ کرائم میں اضافہ اور
دہشت گردی کے واقعات کا اندیشہ ‘ یہ نظر تمام معاملات میں شدت پسندی لاتی ہے ‘ اس وقت
ٹھنڈے دل و دماغ سے کام لینا چاہیے ورنہ حادثات پیش آسکتے ہیں۔
29مئی:
عطارد اور نیپچون کے درمیان اسکوائر کی نظر دوبارہ قائم ہوگی لہٰذا زیادہ شدید اثرات
ہوں گے ‘ ذہنی الجھاؤ پیدا ہوگا‘ کسی معاملے میں کنفیوژن حد سے زیادہ بڑھ سکتا ہے‘
کوئی جائز یا ناجائز خواہش شدید ہو سکتی ہے جس کے زیر اثر کوئی ایسا عملی قدم اُٹھ
سکتا ہے جس پر بعد میں پچھتاوا ہو۔
30مئی:شمس
اور عطارد کا قران سفر میں مشکلات یا رکاوٹ لا سکتا ہے‘ ضروری معلومات کے حصول میں
دشواری ہو سکتی ہے‘ اس وقت تحریر وگفتگو میں غلطیوں کا امکان رہتا ہے ‘ زبان پر قابو
رکھنے کی ضرورت ہوتی ہے‘ آپ اپنی کمزوریاں دوسروں پر ظاہر کردیتے ہیں۔
31مئی:
شمس اور نیپچون کے درمیان تربیع کا زاویہ ہماری شعوری صحت کو متاثر کرتا ہے ‘ ہم معاملات
کو غلط انداز میں دیکھ رہے ہوتے ہیں ‘ انا کے مسائل پیدا ہوتے ہیں ‘ حقیقی روحانی شعور
متاثر ہوتا ہے ‘ حکومتی سطح پر بڑے فراڈ ہوتے ہیں‘ قوم کو بے وقوف بنانے کے لیے نئے
نئے طریقے ایجاد کیے جاتے ہیں ۔
قمر در عقرب
مئی میں قمر دو مرتبہ برج
عقرب میں داخل ہوگا‘ پہلی بار 3 تاریخ کو پاکستان اسٹینڈرڈ ٹائم کے مطابق صبح am 6:48 پر
اور 5مئی بروز منگل شامpm 4:14تک برج عقرب میں رہے گا ‘اس دوران میں اپنے درجہ ہبوط پر 3 مئی
صبح am 10:44 سے pm 12:40 تک
ہوگا۔
دوسری بار 30 مئی بروز ہفتہ
کو دوپہر
pm
2:35پر
برج عقرب میں داخل ہوگا اور یکم جون راتpm 11:40تک رہے گا ‘ اس
دوران میں اپنے درجہ ہبوط پر 30مئی شام pm 6:30 سے pm
8:26تک ہوگا ۔
یہ سب سے زیادہ نحس اثر وقت ہے ‘ اس وقت میں کوئی نیا کام
نہیں کرنا چاہیے ورنہ کامیابی نہیں ہوگی یا اچھے نتائج حاصل نہیں ہوں گے‘ اس وقت میں
بری عادتوں سے نجات یا دیگر بندش کے عملیات کیے جاتے ہیں ‘ علاج معالجہ کرنا اس وقت
میں بہتر ہوتا ہے ۔کچھ عرصے سے ہمیں ایسے خطوط ، ای میلز یا فون کال بھی مل رہی ہیں
جن میں ایسے خبیث ، شیطان صفت افراد کے بارے میں بتایا جاتا ہے جو دوسروں کے لیے زندگی
عذاب کردیتے ہیں ، ایسے لوگ کسی فیملی یا گھر میں بھی ہوتے ہیں اور کسی آفس وغیرہ میں
بھی ، ہمارے قارئین ان سے نجات کے لیے ہبوط قمر کے وقت یہ عمل کرسکتے ہیں۔
مندرجہ ذیل نقش کو کسی کاغذ پر کالی پینسل یا بلیک پین سے
لکھیں اور اگر گھر سے خارج کرنا مقصود ہو تو گھر میں کسی وزنی چیز کے نیچے دبادیں اور
اگر آفس یا دکان وغیرہ سے نکالنا ہو تو وہاں بھاری وزن کے نیچے دبادیں،دبانے کے بعد
حسب توفیق صدقہ و خیرات کریں اور کچھ مٹھائی پر فاتحہ دے کر حضرت سید ہاشم شاہ مٹیاریؒ
کو ایصال ثواب کریں۔
ا ح د ر س ص ط ع ک ل م و ہ لادیا یا غفور یا غفور بستم قیام
فلاں بن فلاں (یہاں مطلوبہ شخص کا نام مع والدہ آئے گا) در ایں مکان/ دفتر کہیں دور
چلا جائے اور کبھی واپس نہ آئے یا حراکیل العجل العجل العجل الساعة الساعة الساعة۔ انشأ اللہ ایسا شیطان شخص بالآخر دفع ہوجائے گا۔
اسی طرح اکثر لوگ یہ شکایت کرتے ہیں کہ انہیں غصہ بہت آتا
ہے یا خواتین شوہر کے غضب ناک ہونے کی شکایت کرتی ہیں، اس کے لیے بھی قمر در عقرب کے
خاص وقت میں مندرجہ بالا طریقے کے مطابق اس طرح نقش بنائیں۔
ا ح د ر س ص ط ع ک ل م و ہ لادیا یا غفور یا غفور بستم غصہ
و اشتعال فلاں بن فلاں فی حق فلاں بن فلاں بحق صُم بُکم عُمی فھم لایعقلون یا حراکیل
العجل العجل العجل الساعة الساعة الساعة۔
اس نقش کو تعویذ بناکر مطلوبہ شخص کے تکیے میں رکھ دیں ،
باقی فاتحہ اور صدقہ و خیرات مندرجہ بالا طریقے کے مطابق کریں۔
رجال الغیب کی سمت کا خیال رکھنا ضروری ہوگا ، تین مئی کو
رجال الغیب شمال مشرق میں ہوں گے لہٰذا جنوب مشرق کی طرف رُخ کرکے بیٹھیں ، 30 مئی
کو رجال الغیب کی سمت جنوب ہوگی لہٰذا شمال کی طرف رُخ کرکے بیٹھیں ۔
شرف قمر
مئی کے مہینے میں قمر اپنے درجہ شرف پر پاکستان ٹائم کے
مطابق 16 مئی بروز ہفتہ دوپہر pm 3:24سے pm 5:03 تک ہوگا‘ یہ سعد وقت ہے، اس وقت اعمال
خیر کرنا چاہیے خاص طور پر رزق میں کشادگی ‘ باہمی اتفاق و اتحاد کے لیے اعمال وظائف
مؤثر ہوں گے ۔
سیارہ قمر سے متعلق اسمائے الٰہی یا رحمٰنُ یا رحیمُ ہیں،
دونوں اسمائے الٰہی کے ابجد قمری سے اعداد 556 ہیں۔شرف قمر کے وقت باوضو قبلہ رُخ بیٹھ
کر ، اول آخر گیارہ بار درود شریف کے ساتھ 556 مرتبہ یہ اسمائے الٰہی پڑھیں اور اللہ
سے اپنے نیک مقاصد کے لیے (جو بھی مقصد ہو) دعا کریں تو انشاءاللہ کامیابی ہوگی۔
گھریلو ناچاقی ، بچوں کے درمیان لڑائی جھگڑا، جوائنٹ فیملی
سسٹم میں نا اتفاقیاں اور اختلافات یا تنازعات ہوں تو شرف قمر کے وقت اول آخر گیارہ
بار درود شریف کے ساتھ 786 مرتبہ بسم اللہ الرحمن الرحیم پڑھ کر کلو، آدھا کلو چینی
پر دم کرلیں اور یہ چینی گھر میں استعمال ہونے والی چینی میں ملادیں تاکہ گھر کے تمام
افراد چائے وغیرہ میں یہی چینی استعمال کریں ، جب چینی ختم ہونے لگے تو اس میں مزید
چینی ملا لیا کریں اس طرح پڑھی ہوئی چینی کبھی ختم نہیں ہوگی اور کچھ عرصہ مسلسل یہ
عمل کرنے سے گھریلو ناچاقیوں وغیرہ کا خاتمہ ہوجائے گا، یہ وظائف ہمارے مجربات میں
سے ہے اور برسوں سے بے شمار لوگ ان سے فائدہ اُٹھا رہے ہیں۔
آئیے اپنے سوالات اور ان کے جوابات کی طرف
ماں اور بیٹا
ایس آر ‘ کراچی سے لکھتی ہیں”آپ
تو میرے بارے سب کچھ جانتے ہیں‘ کافی سالوں سے گردش کی زندگی گزار رہی ہوں‘ شادی شدہ
زندگی راس نہیں آئی ‘ ایک ہی بیٹا ہے جسے بہت چاہتوں سے پالا ‘ آج وہ میرے لیے پریشانی
بن گیا ہے‘ افسوس کہ بیٹے سے بھی کچھ نہیں ملا ‘ سوائے دکھوں کے‘ وہ نشہ بھی کرنے لگا
ہے ‘ اس بات سے میرا سکھ چین سب ختم ہوگیا ہے‘ لوگ کہتے ہیں کہ بیٹے کو علاج کے لیے
اسپتال میں داخل کرادو مگر وہاں پیسے بہت مانگتے ہیں اور میں پیسوں کا انتظام نہیں
کر سکتی‘آپ بتائیے میں کیا کروں؟آپ نے نشے کا علاج دیا تھا ‘ میں نے پڑھا ہے مگر میں
اگر تھوڑا تھوڑا پانی گلاس میں ڈال کر دوں تو وہ نہیں پیے گا‘ کیا یہ پانی اس کی پانی
کی بوتل میں ملا کر دے سکتی ہوں؟ اس مسئلے کے حل کے لیے کوئی دوا ہو تو وہ بھی بتادیں
اور کوئی ایسی دعا یا تعویذ بتا دیں جس سے کہ میرا بیٹا فرماں بردار بن جائے اور ہر
غلط راستے سے بچ جائے‘ میں زندگی بھر آپ کو دعائیں دوں گی“
جواب : وہ لوگ جو زندگی کی حقیقتوں کو نظر انداز کر کے صرف
جذبات کے تابع زندگی گزارتے ہیں ‘ وہ بالآخر ایسی ہی صورت حال سے دو چار ہوتے ہیں جیسی
آپ کو درپیش ہے‘ شاید ہم نے پہلے بھی آپ کو حقیقت پسندی اختیار کرنے کا مشورہ دیا ہوگا۔
کئی بار ہم یہ اصول لکھ چکے
ہیں کہ اس مادّی دنیا میں انسان کے لیے مادّی جدوجہد کو اولیت حاصل ہے‘ وہ لوگ جو مادّی
مسائل کے حل میں مادّی
کوششوں کو اولیت نہیں دیتے ‘ انہیں روحانی طریقوں سے بھی کوئی مدد نہیں ملتی ‘ دوسرے
معنوں میں ان کی کاہلی یا نکمے پن سے اللہ بھی ان سے ناراض رہتا ہے ‘ ہونا یہ چاہیے
کہ پہلے دستیاب مادّی طور طریقے اختیار کیے جائیں اور جب ایسے تمام طریقے ناکام ہوجائیں
‘ تب روحانی طریقوں کی طرف رجوع کیا جائے مثلاً اگر لوگ کہہ رہے ہیں کہ اسے اسپتال
میں داخل کراؤ تو کرانا چاہیے ‘ یہ بہانہ کافی نہیں ہے کہ وہ پیسے زیادہ مانگتے ہیں
‘ ایسے فلاحی ادارے بھی ہیں جہاں زیادہ پیسے نہیں دینے پڑتے مثلاً ایدھی سینٹر ہے مگر
آپ نے ان حوالوں سے زیادہ کوشش ہی نہیں کی ‘ اب بھی واحد حل یہی ہے کیوں کہ ایسے مریض
علاج میں تعاون نہیں کرتے ‘ ان کی صحبت بھی خراب ہوتی ہے وہ دوبارہ غلط صحبت میں اٹھنے
بیٹھنے کی وجہ سے پھر نشہ شروع کردیتے ہیں ‘ اس حوالے سے سینے پر پتھر رکھ کر اور جذباتی
سوچ کو ختم کر کے اس کے علاج کے لیے کوشش کریں ‘ باقی روحانی طریقے بھی ساتھ میں جاری
رکھیں اگر پڑھا ہوا پانی اس کی پانی کی بوتل میں ملا دیا کریں تو یہ بھی مناسب ہوگا
اس کے علاوہ نشہ چھڑانے کے لیے ایک ہومیوپیتھک دوا کا نام ہم پہلے بھی لکھ چکے ہیں
لیکن وہ آپ کو بازار میں کہیں نہیں ملے گی کیوں کہ ہمارے ہومیوپیتھک دواؤں کا کاروبار
کرنے والے ایسی دوائیں نہ خود بناتے ہیں اور نہ ہی باہر سے منگواتے ہیں جو زیادہ فروخت
نہ ہوتی ہوں‘ ہم یہ دوا خود تیار کرتے ہیں لہذا ہمارے کلینک سے ہی مل سکے گی ‘ یہ دوا
اسے دن میں تین مرتبہ دی جا سکتی ہے اس دوا کا نام ہم دوبارہ لکھ رہے ہیں QUERCUS GLANDIUM
SPIRITUS ۔
یہ دوا مدر ٹنکچر میں لینا
چاہیے اور پانچ سے دس قطرے تک تھوڑے سے پانی میں ملا کر تین ٹائم دینا چاہیے ‘ شراب
پینے والوں کو شراب میں ملا کر بھی دی جا سکتی ہے یعنی ان کی بوتل میں بیس پچیس قطرے
ڈال دیے جائیں۔
جو لوگ اپنا خیال نہیں رکھتے
‘ وہ دوسروں کا بھی خیال نہیں رکھ سکتے‘ یہ بھی ایک حقیقت ہے لہٰذا اپنے معقول علاج
معالجے پر توجہ دیں‘ اس سال جون سے زیادہ خراب وقت شروع ہو رہا ہے لہٰذا پابندی سے
اتوار کے روز سرخ یا زرد رنگ کی چیزوں کا صدقہ دیا کریں اور بیٹے کو کسی فلاحی میڈیکل
سینٹر میں داخل کرا کے بھول جائیں‘ یہی اس کے لیے بھی بہتر ہوگا ‘ لڑکے کمزور حیثیت
رکھنے والی ماؤں کے قابو میں کبھی نہیں آتے اور وہ تو اب جوان ہو گیا ہے ۔
شادی میں تاخیر
ایس ڈبلیو ‘ کراچی سے لکھتی
ہیں ” پہلے بھی دو دفعہ ای میل کر چکی ہوں جس کا آپ نے تفصیلی جواب دیا تھا ‘ مسئلہ
یہ ہے کہ آپ نے مجھے کہا تھا کہ میری شادی لیٹ ہوگی تو میری منگنی گزشتہ سال ہوئی
‘ آپ نے کہا تھا کہ 29 نومبر 2015 تک شادی کا دور ہے ‘ پچھلے اکتوبر میں میری شادی
ہونا تھی لیکن اب میرے سسرال والے مارچ 2016 میں شادی کا کہہ رہے ہیں‘ مجھے کچھ سمجھ
میں نہیں آ رہا یہ سب کیا ہو رہا ہے ‘ مجھے ایک آدمی نے کہا تھا کہ تمہارے ساتھ ایسی
بندش ہے کہ شادی نہیں ہوسکتی اور تم پر جنات کا بھی اثر ہے‘ کیا واقعی میری شادی کبھی
نہیں ہو سکتی؟آج کل ایسا لگ رہا ہے کہ جیسے کچھ برا وقت چل رہا ہے ‘ آپ بتائیے کہ آگے
کیا ہونے والا ہے میرے ساتھ؟ میں آج کل واقعی پریشان ہوں ‘ کیا میرا برا وقت چل رہا
ہے؟ اور مشتری اس سال برج سنبلہ میں آجائے گا جہاں کمزور ہوتا ہے اور میرے بارھویں
گھر کا حاکم ہے تو کیا میرے لیے مشکلات میں اضافہ ہوگاکیوں کہ اس سے پہلے بھی جب
2003 سے 2004 تک سنبلہ میں آیا تھا تو چھوٹی چھوٹی باتوں پر میری انسلٹ ہوتی تھی‘جب
2012 سے 2013 تک جوزا میں آیا جہاں کمزور ہوتا ہے تو بھی میں نے پریشانی اٹھائی اب
مجھے ڈر لگ رہا ہے“
جواب : معلوم ہوتا ہے کہ تم اِدھر اُدھر ‘ دائیں بائیں دیگر
جعلی پیروں فقیروں نجومیوں کے چکر میں زیادہ رہتی ہوجبھی اس قسم کی باتیں لکھی ہیں
جو صرف خرافات اور جہالت پر مبنی ہیں‘ تمہارا شمسی برج سنبلہ ہے ‘ دنیا میں لاکھوں
افراد کا یہی برج ہے تو کیا سب کے ساتھ ایسا ہی ہو رہا ہے جیسا تم محسوس کر رہی ہو؟
برج سنبلہ سے بارھواں گھر برج اسد ہے تو مشتری تمہارے بارھویں گھر کا حاکم کیسے ہوگیا؟
کہتے ہیں ”نیم حکیم خطرۂ جان“ تو ایسے لوگوں سے بچو‘ وہ صاحب جو تم پر بندش اور جنات
کا اثر بتا رہے ہیں یقیناً ان کی اپنی نیت میں فتور ہے‘ تمہاری منگنی ہو چکی ہے ‘ ہم
نے تمہیں پہلے بھی بتادیا تھا کہ 2015 کے آخر تک شادی کا دور چل رہا ہے اور بہر حال
شادی ہوجائے گی ‘ تھوڑی بہت دیر سویر لوگوں کے اپنے مسائل کی وجہ سے ہوجاتی ہے اگر
وہ لوگ مارچ 2016 میں کہہ رہے ہیں تو بھی کون سی قیامت ٹوٹ رہی ہے؟
کوئی تبصرے نہیں:
ایک تبصرہ شائع کریں