شرف شمس کا نادر موقع اور نقشِ فتح نامہ کی تیاری کا طریقہ
اپریل کے ستارے
20 مارچ سے سیارہ شمس دائرئہ بروج کے پہلے برج حمل میں داخل ہوچکا ہے، گویا دنیا میں موسم بہار کا آغاز۔ اپریل کی 20 تاریخ تک شمس اپنے شرف کے برج حمل ہی میں رہے گا، سات اور آٹھ اپریل کو درجہ ءشرف پر ہوگا، 20 اپریل کو برج ثور میں داخل ہوگا، پیغام رساں عطارد برج حمل میں حرکت کررہا ہے اور پورا مہینہ اسی برج میں گزارے گا، 31 مارچ کی رات کو برج ثور میں داخل ہوگا۔
توازن اور ہم آہنگی کا سیارہ زہرہ بحالت رجعت برج حمل میں ہے اور اسی پوزیشن میں 3اپریل کو واپس برج حوت میں آجائے گا، 13 اپریل سے 17 اپریل تک دوبارہ درجہ ءشرف پر ہوگا، اسی دوران میں، اسی درجے پر 15 اپریل کو مستقیم ہوگا یعنی اپنی سیدھی چال پر آجائے گا، اس اعتبار سے اس بار زہرہ کے شرف کی قوت بہت زیادہ ہوگی۔
توانائی کا ستارہ مریخ برج ثور میں حرکت کر رہا ہے،21 اپریل کو برج جوزا میں داخل ہوگا، سیارہ مشتری بحالتِ رجعت برج میزان میں ہے اور مہینے کے آخر تک یہیں رہے گا،سیارہ زحل برج قوس میں حرکت کر رہا ہے اور 6 اپریل کو اسے رجعت ہوجائے گی،سیارہ یورینس برج حمل میں، پراسرار نیپچون برج حوت میں اور پلوٹو برج جدی میں حرکت کر رہا ہے،اسے 20 اپریل کو رجعت ہوگی، راس اور ذنب بالترتیب برج سنبلہ اور حوت میں ہےں۔
نظرات و اثرات سیارگان
اپریل کے مہینے میں سیارگان کی پوزیشن بہتر ہورہی ہے،شمس اور زہرہ شرف یافتہ ہوں گے،البتہ عطارد کو رجعت ہوگی اور سیارہ زحل بھی رجعت میں چلا جائے گا،مشتری پہلے ہی اپنی الٹی چال پر ہے،زہرہ اپنے شرف کے برج میں مستقیم ہوگا، اس دوران میں سیاروں کے درمیان باہمی زاویے خاصے اہم ہیں، تثلیث کے تین زاویے اور قران کے تین زاویے ، تربیع کے تین زاویے جب کہ تسدیس کا صرف ایک زاویہ اور ایک مقابلے کی نظر ہوگی، تفصیل درج ذیل ہے۔
6اپریل: مریخ اور پلوٹو کے درمیان تثلیث کا زاویہ عام طور پر کوئی پاور پلے سامنے لاتا ہے، بین الاقوامی طور پر بھی اور پاکستان میں بھی ایسی صورت حال پیدا ہوسکتی ہے جس میں طاقت ور اپنی من مانی کرنے کے لیے آزاد ہوں، وہ اپنے مقاصد کے حصول کے لیے اپنی مرضی کے فیصلے دوسروں پر مسلط کرسکتے ہیں،عام افراد کے لیے یہ زاویہ زیادہ اہم نہیں ہے۔
9 اپریل: زہرہ اور زحل کے درمیان تربیع کی نظر قائم ہوگی، یہ نظر توازن اور ہم آہنگی میں خرابی لاتی ہے،اگر کسی معاملے میں توازن نہ رہے،باہمی طور پر اختلافات کی فضا سامنے آئے تو اسی زاویے کا شاخسانہ ہوگا، یہ صورت حال پاکستان کے زائچے میں حکومت اور اسٹیبلشمنٹ کے درمیان عدم توازن اور اختلاف رائے کا سبب ہوسکتی ہے،اسی دوران میں عدلیہ کے فیصلے بھی اہمیت اختیار کرسکتے ہیں اور موضوعِ بحث بن سکتے ہیں،عام آدمی کی زندگی میں یہ وقت ازدواجی زندگی میں مسائل اور الجھنیں لاتا ہے،ایسے مسائل کو ٹھنڈے دل و دماغ سے اور دانش مندانہ طور پر حل کرنے کی کوشش کرنا چاہیے،پاکستان میں صحت کے مسائل پریشان کرسکتے ہیں،اس زاویے کے زیرِاثر خواتین اور مزدور پیشہ افراد متاثر ہوں گے۔
اسی تاریخ کو شمس اور پلوٹو کے درمیان بھی تربیع کا زاویہ ہوگا، یہ بھی کسی پاور پلے کی نشان دہی کر رہا ہے،حکومت اپنے ذاتی مفادات کے لیے فیصلے اور اقدام کرسکتی ہے، ایسے آرڈیننس جاری ہوسکتے ہیں جو متنازع یا اختلاف رائے پیدا کرنے کا باعث ہوں،عام افراد کے لیے حکومت کے فیصلے اور اقدام ناپسندیدہ ہوں گے۔
11 اپریل: شمس اور مشتری کے درمیان مقابلے کی نظر نحس سمجھی جاتی ہے،حکومت نئے ٹیکس یا مالیاتی امور میں دیگر ناخوش گوار فیصلے کرسکتی ہے،حکومت کے منصوبوں میں تعطل یا رکاوٹیں پیدا ہوسکتی ہیں،عام افراد کو اس دوران میں حکومت کی پیدا کردہ مالی دشواریوں کا سامنا ہوسکتا ہے،کاروباری سیکٹر متاثر ہوسکتا ہے،بینکنگ اور اسٹاک ایکسچینج کے معاملات میں اُتار چڑھاو ¿ پیدا ہوسکتا ہے، اس دوران میں نئی سرمایہ کاری یا اسٹاک مارکیٹ میں پیسا لگانا فائدہ بخش ثابت نہیں ہوگا۔
14 اپریل: شمس اور یورینس کا قران بڑا ہی غیر معمولی اور غیر یقینی صورت حال پیدا کرنے والا زاویہ ہے، خصوصاًاعلیٰ عہدوں پر فائز افراد اور صاحب حیثیت افراد اس وقت متاثر ہوسکتے ہیں، اپنے انفرادی زائچوں کی بنیاد پر اُن کی زندگی میں مثبت یا منفی واقعات رونما ہوسکتے ہیں، یہ وقت عام طور سے غیر متوقع صورت حال اور اچانک حالات کی نئی کروٹ کو ظاہر کرتا ہے، اس وقت عام افراد کو بھی اپنے پروگرام میں لچک رکھنی چاہیے ، ضروری نہیں ہے کہ اُن کی منصوبہ بندی اور پروگرام کسی نئی صورت حال سے دوچار نہ ہوں، اس وقت متبادل حکمت عملی پر پہلے سے سوچ بچار کرلینا چاہیے۔
17 اپریل: زہرہ اور مریخ کے درمیان تسدیس کا سعد زاویہ قائم ہوگا، یہ لوگوں کے ساتھ تعلقات کو بہتر بنانے میں مددگار ہوسکتا ہے،خاص طور پر عورت اور مرد کے تعلقات میں خصوصی اثر رکھتا ہے،اس وقت میں نئے تعلق اور رشتے قائم ہوسکتے ہیں اور انہیں بہتر بنانے کے لیے کوشش کرنا چاہیے،واضح رہے کہ زہرہ اس موقع پر شرف یافتہ ہوگا لہٰذا اعمالِ محبت و تسخیر کے لیے نہایت مو ¿ثر وقت ہوگا۔
اسی تاریخ کو شمس اور زحل کے درمیان تثلیث کا سعد زاویہ بھی ہوگا، حکومت کو عوام سے رابطے کی ضرورت محسوس ہوسکتی ہے، دوسرے معنوں میں عوام کی فلاح و بہبود کا خیال آسکتا ہے،عام افراد کے لیے یہ سعد وقت حکومت سے فوائد کے حصول کے لیے موزوں ہوگا، خصوصاً سرکاری نوعیت کے کاموں سے فوائد حاصل ہوں گے،پراپرٹی سے متعلق کاروبار بہتر ہوگا اور اس دوران میں پراپرٹی کی خریدوفروخت بہتر رہے گی۔
20 اپریل: شمس اور عطارد کے درمیان قران کی نظر عام طور سے نحس ہوتی ہے،ملکی معاملات میں یہ ذرائع ابلاغ پر دباو ¿ لاتا ہے، درست خبریں سامنے نہیں آتیں اور لوگوں میں کنفیوژن پھیلتا ہے،ضروری معلومات کا حصول مشکل یا پیچیدہ ہوجاتا ہے،تحریری یا تقریری کاموں میں غلطیاں ہوتی ہیں،اس دوران میں اہم کاغذات پر دستخط کرتے ہوئے محتاط رہنا چاہیے، عام افراد کو سفر سے متعلق امور میں رکاوٹ یا تاخیر کا سامنا کرنا پڑتا ہے،سفر میں پریشانیاں یا مسائل پیدا ہوتے ہیں، اپنے انفرادی زائچے کے مطابق بعض لوگوں کے لیے یہ نظر فائدہ بخش بھی ہوسکتی ہے۔
21 اپریل: زہرہ اور زحل کے درمیان تربیع کا زاویہ اس مہینے دوسری بار قائم ہوگا، اس زاویے کے حوالے سے پہلے بھی وضاحت کردی گئی ہے،اس کے نتائج بہر حال مثبت نہیں ہوتے۔
24 اپریل: عطارد اور زحل کے درمیان تثلیث کا سعد زاویہ نہایت مبارک ہے،یہ وقت پراپرٹی ، سفر اور ضروری معلومات کے حصول میں بہتر ثابت ہوتا ہے،اس وقت طویل المیعاد منصوبوں پر کام شروع کرنا چاہیے اور مستقبل کی پلاننگ کرنی چاہیے،اہم دستاویزی کاموں کو مکمل کرنا چاہیے،باہمی گفت و شنید سے پیچیدہ مسائل کے حل میں مدد ملتی ہے،یہ وقت علاج معالجے کے لیے بھی بہتر ہوتا ہے۔
28 اپریل: عطارد اور یورینس کے درمیان قران کا زاویہ کوئی دلچسپ صورت حال سامنے لاسکتا ہے،خصوصاً میڈیا میں چونکا دینے والی نئی خبریں اور انکشافات سامنے آتے ہیں،اس وقت نئی ایجادات اور اختراعات ہوتی ہیں، راز فاش ہوتے ہیں، اچانک سفر کے پروگرام بنتے ہیں، نئے چانس کے امکانات پیدا ہوتے ہیں جن سے فائدہ اٹھانا کبھی ممکن ہوتا ہے اور کبھی نہیں، چوں کہ اس دوران میں عطارد اور زحل کے درمیان بھی سعد زاویہ قائم ہوگا لہٰذا یہ نظر مثبت امکانات کو نمایاں کرے گی۔
قمر در عقرب
قمر اپنے ہبوط کے برج عقرب میں بدھ 12 اپریل کو 03:41am پر داخل ہوگا اور 14 اپریل 03:26 pm تک اسی برج میں رہے گا،اس دوران میں اپنے درجہ ءہبوط پر 12 اپریل بروز بدھ صبح 07:37 am سے 09:38 am تک ہوگا، یہ وقت نہایت نحوست کا تصور کیا جاتا ہے،اس وقت میں برائیوں اور بیماریوں سے نجات کے لیے اعمال کیے جاتے ہیں، بندش کے تقریباً تمام کاموں کے لیے یہ وقت موزوں ہوتا ہے،اس حوالے سے مختلف ضروریات کے تحت عملیات پہلے بھی دیے جاتے رہے ہیں۔
شرف قمر
چاند اس ماہ اپنے شرف کے برج ثور میں 26 اپریل بروز بدھ صبح 06:56 am پر داخل ہوگا اور 28 اپریل بروز جمعہ صبح 06:36 تک اسی برج میں حرکت کرے گا، اس دوران میں اپنے درجہ ءشرف پر صبح 10:08 سے 11:45 تک رہے گا لیکن واضح رہے کہ اس بار شرف کا وقت زیادہ باقوت نہیں ہوگا کیوں کہ اسی روز قمر شمس سے قران کرے گا اور تحت الشاع ہوگا۔
شرف شمس
سیارہ شمس کو ہماری کہکشاں میں ایک بادشاہ کی حیثیت حاصل ہے،برج حمل کے 19 درجے پر اسے شرف کی قوت حاصل ہوتی ہے اور یہ موقع سال میں ایک بار آتا ہے،اس سال شمس اپنے درجہ ءشرف پر 7 اپریل رات 8:37 pm سے 8 اپریل رات 08: 53 pm تک رہے گا۔
شرفِ شمس اور فتح نامہ
شمس اپنے درجہ ¿ شرف پر ہر سال آتا ہے اور ماہرین علم جفراس وقت کا نہایت شدت سے انتظار کرتے ہیں کیوں کہ شمس کا تعلق توانائی ، اقتدار اور عزت و مرتبہ سے ہے ، سرکاری محکمہ اور تمام کارِ سرکار سیارہ شمس کے زیراثر ہےں،صحت اور توانائی کے اصول کے لیے بھی اس وقت کو مو ¿ثر اور فائدہ بخش تسلیم کیا جاتا ہے،چناں چہ اس وقت سے فائدہ اٹھانے کے لیے سال بھر انتظار کیا جاتا ہے،اس وقت لوحِ اسم اعظم یا خاتم اسمِ اعظم اور لوح شمس وغیرہ تیار کی جاتی ہیں جو زندگی میں عروج و کامیابی ، اعلیٰ پوزیشن کے حصول ، اعلیٰ حکام یا مالکان کے روبرو عزت و وقار اور مرتبے میں اضافے کے لیے مو ¿ثر ہوتی ہے لیکن اس بار ہم نقشِ فتح نامہ کی تیاری پر زور دیں گے۔
فتح نامہ کے فوائد مےں کامےابی‘حالات کی سختی سے نجات اور ہر طرح کی نحوست سے چھٹکارہ ،کاروبار میں ترقی‘ قرض کی ادائےگی‘ ملازمت مےں ترقی ےا بہتر ملازمت کا حصول‘ مالکان یا اعلیٰ افسران کے رویے میں نرمی اور عمدہ سلوک ، گھرےلو حالات کی بہتری ‘ سحر و جادو‘ آسےب و جنات سے نجات‘ دشمنوں سے بچاﺅ‘ مقدمے میں کامیابی ، صحت مےں بہتری‘ بےماری سے شفا‘ شادی مےں کوئی بندش یا رکاوٹ ہو تو اس کا خاتمہ‘ الغرض بے شمار مقاصد ”فتح نامہ“کے دائرہ کار مےں آتے ہےں ۔
فتح نامے کی تیاری یقیناً تھوڑا سا مشکل کام ضرور ہے مگر جو لوگ اسے درست اصول و قواعد کے مطابق تیار کرلیں گے وہ سمجھ لیں کہ انہوں نے دنیا فتح کرلی ہے، ہماری ہر ممکن کوشش ہوگی کہ مشکل طریقہءکار کو آسان الفاظ میں پوری وضاحت کے ساتھ بیان کردیں اس کے بعد بھی اگر طریقہ ¿ کار کو سمجھنے میں کوئی دشواری پیش آئے تو براہِ راست رابطہ کرکے سمجھ سکتے ہیں۔
اصول و قواعد فتح نامہ
سب سے پہلے اپنے پورے نام کے اعداد ابجدِ قمری سے حاصل کریں پھر اپنی والدہ کے نام کے اعداد بھی نکالےں۔ اس کے بعد سات پےغمبروں کے نام لےں اور ان کے اعداد حاصل کریں۔ مثلاً آدم ؑ‘ نوح ؑ‘ سلےمانؑ‘ موسیؑ ‘ داو ¿دؑ‘ ےوسفؑ اور محمدﷺ ۔ اس کے بعد آےات فتوحات کے اعداد لےں۔ آےات فتوحات ےہ ہیں، آیات و فتوحات سے پہلے دُعائے فتح ہے۔
1 ۔اَف ±تِح اَب ±وَابِ فَت ±حَکَ لِی ± ےَا مُفَتِّحُ ال ±ا ب ±وَابِِ ´۔
2 ۔ اِنَّاا فَتَح ±نَالَکَ فَت ±حاً مُّبِے ±نَا۔ ( سورہ فتح)۔
3 ۔ رَبَّنَااف ±تَح ± بَے ±نَنَاوَ بَےنَ قَو ± مِنَا بِا ل ±حَقِّ وَاَن ±تَ خَے ±رُ ال ±فَا تِحِےنَ ´ ( سورہ اعراف)۔
4 ۔ نَص ±رُ مِّنَ اﷲ وَ فَت ±ح قَرِےب ( سورہ صف)۔
تینوں آےات اور دعا کے اعداد کا مجموعہ سات ہزار دو سو پچھتر (7275 ) ہوا۔ آپ کی سہولت کے لےے سات انبےاءکے ناموںکے اعداد کا مجموعہ بھی لکھ رہے ہےں جو 679 ہے۔ اب آپ کو صرف اپنے نام اور والد کے نام کے اعداد ہی معلوم کرنا ہیں اور پھر تمام اعداد کو باہم جمع کرنا ہے۔ مثلاً آپ کے نام مع والدہ کے اعداد کل 343 برآمد ہوئے تو کل مجموعہ ء اعداد 8288 ہو جائے گا۔
اعداد آےت = 7275
اعداد نام انبےاء= 679
اعداد مفروضہ نام مع والدہ= 334
مجموعہ = 8288
اس مجموعہ ءاعداد کا 7x7 خانوں کا نقش تےار کریں یعنی ایسا نقش جس میں 49 خانے ہوں جس کا طرےقہ یہ ہے کہ کل مجموعہ اعداد مےں سے 168 عدد کم کریں اور پھر باقی اعداد کو 7 پر تقسےم کردےں۔ اب جو باقی حاصل قسمت آئے اُسے نقش کے خانہ اول مےں رکھ کر باقی خانوں مےں ترتےب وار ایک عدد کے اضافے سے نقش بھرتے چلے جائیں۔ مثلاً مندرجہ ذےل مجموعہ اعداد 8288 مےں سے 168 عدد کم کرےں تو باقی بچے 8120۔ اس کو 7پر تقسےم کےا تو جواب آےا 1160 ۔
سات درسات کی چال کا نقش ہم دے رہے ہےں۔ اس مےں پہلا خانہ وہ ہے جس مےں نمبر ایک لکھا ہے۔ اسی خانے سے نقش کی ابتدا ہوگی۔ 1160 اسی خانے مےں لکھےں پھر جس خانے مےں نمبر 2 ہے اس مےں 1161 لکھیں پھر نمبر 3 مےں 1162 ۔ الغرض اسی طرح ایک عدد کے اضافے سے 49 خانوں کا یہ نقش مکمل کر لیں۔ تمام کام وقت سے پہلے ہی تےار کرنا ہوگا تاکہ شرفِ شمس کے اوقات مےں اور ساعتِ شمس مےں صرف چال کے مطابق نقل کرنا ہی باقی رہ جائے گا ، نقش کے چاروں کونوں پر قولہ الحق ولہ الملک لکھیں اور چاروں ملائیکہ جبرائیل ، عزرائیل ، میکائیکل، اسرافیل لکھیں نقش کے دائیں بائیں کھیعص ، حمعسق لکھیں اور نقش مکمل کرنے کے بعد پشت پر یاروقیائیل ابو عبداللہ المذہب لکھیں ۔
نقش کی چال
اب ایک مسئلہ اور باقی رہ گےا ہے اسے بھی سمجھ لیں۔ کل مجوعہء اعداد کو جب آپ 7 پر تقسےم کرےں گے تو ضر وری نہیں کہ وہ برابر تقسےم ہو جائے۔ برابر تقسیم ہونے کی صورت مےں تو ایک بہترےن بات ہوگی لےکن تقسیم کے بعد اگر کوئی عدد باقی بچے تو پھر نقش مےں کسر دےنا ہوگی تب ہی وہ درست ہوگا۔ اس کا طرےقہ یہ ہے کہ تقسیم کرنے کے بعد اگر ایک عدد باقی بچے تو نقش کے خانہ نمبر43 مےں 1عدد کا اضافہ کرنا ہوگا۔ 2 باقی رہےں تو خانہ نمبر 36 میں 1کا اضافہ کریں۔ 3 باقی ہوں تو خانہ نمبر 29میں 1عدد بڑھا دیں۔ 4باقی رہیں تو 22ویں خانے میں 1عدد بڑھائیں۔ 5باقی ہوں تو خانہ نمبر 15میں 1عدد بڑھائیں اور اگر 6باقی ہوں توآٹھویں خانے میں 1عدد کا اضافہ کریں۔ یہاں ایک عدد کا اضافہ کرنے کا مطلب بھی سمجھ لیں۔ مثلاً آپ نقش کے خانے ایک ایک عدد کے اضافے سے بھرتے چلے جا رہے ہیں تو جب کسر کا خانہ آئے تو اس میں 1کے بجائے 2کا اضافہ کر دیں۔ باقی نقش اسی طرح بھرتے چلے جائیں۔ نقش کے درست بھرے جانے کی پہچان یہ ہو گی کہ نقش کے ہر سات خانوں کی میزان وہی آنی چاہیے جو آپ کے نام مع والدہ کے اعداد، آیتوں کے اعداد اور اسمائے انبیاءکے اعداد کامجموعہ ہو گا۔ اگر اس مجموعے کے مطابق نقش کے ہر سات خانوں کا مجموعہ نہیں ہے تو سمجھ لیں نقش غلط بھرا گیا ہے۔ کہیں نہ کہیں آپ سے حساب میں غلطی ہوئی ہے۔
نقش کی تیاری کے لیے مزید اصول و قواعد بھی سمجھ لیں۔یہ نقش ہرن کی جِھلّی یا ایسے کاغذ پر لکھیں جو ایک طرف سے گولڈن کلر کا ہو، روشنائی اگر مشک و زعفران سے تیار کی گئی ہو تو کیا کہنے مگر آج کے دور میں شاید یہ ممکن نہ ہو ، ایسی صورت میں زرد یا سرخ رنگ استعمال کریں، شرف کا وقت تقریباً 24 گھنٹے رہے گا، اس تمام عرصے میں صرف شمس کی ساعتیں نقش لکھنے کے لیے مو ¿ثر ہوں گی، مقررہ وقت سے پہلے غسل کرکے پاک صاف لباس پہنےں اور زعفران یا مشک کے عطر کی خوشبو لگائیں، علیحدہ کمرے میں رجال الغیب کا خیال کرکے بیٹھیں کہ آپ کا رخ رجال الغیب کی طرف نہ ہو، کمرے میں عود و لوبان کا بخور جلا کر خوشبو کریں،یہ میسر نہ ہو تو عمدہ خوشبو دار اگربتیاں جلائیں،بہتر ہوگا کہ سرخ یا زرد لباس پہنیں یا پھر اس رنگ کا کوئی کپڑا نیچے بچھالیں،کوئی زرد رنگ کی مٹھائی مثلا بےسن کے لڈو وغیرہ پاس رکھیں تاکہ کام ختم ہونے کے بعد فاتحہ دی جاسکے، تمام کام بہ خیرو خوبی انجام پاجائے تو سمجھ لیں کہ آپ نے ایک عظیم تحفہ حاصل کرلیا ہے، نقش کو تہہ کرکے موم جامہ یا پلاسٹک کوٹڈ کرلیں اور کسی بھی نوچندے اتوار کو صبح سورج نکلنے کے فوراً بعد پاس رکھیں یا بازو پر باندھ لیں، حسبِ توفیق صدقہ و خیرات کریں۔
