شرف زہرہ اور قران زہرہ و مشتری

 

خوش بختی لانے والا وقت اور لکی لوح یا انگوٹھی

سیارہ زہرہ توازن و ہم آہنگی ، محبت، دوستی ، شادی و ازدواجی زندگی پر اثر انداز ہے، عام طور سے کسی بھی زائچے میں سیارہ زہرہ کی پوزیشن ان ہی معاملات کے حوالے سے دیکھی جاتی ہے لیکن زہرہ سے متعلق کچھ اور معاملات بھی ہیں جن پر عام طور سے توجہ نہیں دی جاتی، اول یہ کہ فطری زائچہ جو برج حمل سے شروع ہوتا ہے اس کا دوسرا گھر برج ثور ہے اس کا حاکم سیارہ زہرہ ہے لہٰذا زہرہ کو ذرائع آمدن کا سیارہ بھی کہا جاتا ہے، انعامی مقابلوں سے متعلق سرگرمیاں بھی سیارہ زہرہ کے زیر اثر ہیں، گویا کسی بھی زائچے میں زہرہ کی پوزیشن مندرجہ بالاتمام امور میں اہمیت کی حامل ہوتی ہے، ہم سیارہ زہرہ سے متعلق محبت و شادی کے لیے ضروری اور موثر عمل و نقوش دے چکے ہیں لیکن زہرہ کی خصوصیات سے متعلق دوسرے اہم ترین پہلو کو بھی نظرانداز نہیں کیا جاسکتا۔
فی زمانہ ہر شخص مالی پریشانیوں کا شکار ہے جس کی وجہ سے ملک میں اکثر لوگ اپنی آمدن بڑھانے کے لیے انعامی بانڈ ز اور دوسری انعامی اسکیموں میں دلچسپی لیتے ہیں لیکن اکثر ناکام رہتے ہیں، انعامی اسکیموں میں خوش قسمتی کم ہی لوگوں کو ملتی ہے ورنہ اکثر لوگ ناکامی کا رونا روتے ہی نظر آتے ہیں اور اس چکر میں لکی نمبروں کی تلاش میں سرگرداں رہتے ہیں، ہم پہلے بھی اس موضوع پر اظہار خیال کرچکے ہیں اور ہمارا موقف یہ ہے کہ کوئی بھی نمبر اس وقت تک آپ کا ساتھ نہیں دے گا جب تک خوش قسمتی آپ کے ساتھ نہیں ہے، بعض لوگ پیدائشی طور پر خوش قسمت ہوتے ہیں، جب کہ بعض لوگوں کا قسمت ساتھ نہیں دیتی، وہ اپنی بہترین کوشش اور جدوجہد کرنے کے باوجود ناکام رہتے ہیں، ایسے ہی لوگوں کو ضرورت ہوتی ہے کہ وہ خوش قسمتی کے حصول کے لیے کوشش کریں، اپنے زائچہ پیدائش سے خرابی کی وجہ معلوم کریں اور پھر اس کا علاج کریں۔
جیسا کہ پہلے بھی نشان دہی کی گئی ہے کہ انعامی معاملات میں جہاں مقابلے کی کیفیت ہووہاں سیارہ زہرہ کو اہمیت دینا چاہیے، آپ کے پیدائشی زائچے میں اگر زہرہ کمزور ہے تو آپ کبھی انعامی مقابلہ نہیں جیت سکتے ، سیارہ زہرہ کا منسوبی پتھر ڈائمنڈ ہے جو فی زمانہ عام آدمی کی دسترس سے بہت دور ہے لہٰذا ہمیں علم جفر کی طرف توجہ دینا پڑتی ہے، یقینا ماہرین جفر نے ان مسائل کے حل کے لیے بہت کام کیا ہے اور ایسے خفیہ راز عام کیے ہیں جو عام آدمی کی نظر میں نہیں تھے۔
20 کا عدد تسخیر کی زبردست قوت رکھتا ہے جس طرح یہ شہرت و مقبولیت کو اپنی طرف کھینچتا ہے اسی طرح دولت کو بھی کھینچتا ہے، زمانہ ءقدیم سے لوگ 20 کے نقش کے لیے سرگرم نظر آئے ، بعض کا مقصد خلقت میں مقبول و معروف ہونا تھا اور بعض دولت کے حصول کے لیے 20 کا نقش اپنے پاس رکھتے تھے، وہ لوگ جو سیارہ مشتری کو دولت کا ستارہ سمجھتے ہیں وہ غلطی پر ہیں، مشتری علم اور اہل علم و دانش کا سیارہ ہے، اس کے علاوہ وسعت و ترقی اس سے منسوب ہے، اسی بنیاد پر لوح مشتری تیار کی جاتی ہے تاکہ انسان عقل و دانش سے کام لے کر وسعت و ترقی حاصل کرے لیکن ذرائع آمدن اور انعامی اسکیمیں سیارہ زہرہ کے زیر اثر ہیں۔
اگر بیس کا نقش سیارہ زہرہ کے سعد اوقات میں تیار کرکے پاس رکھا جائے تو ایسے لوگوں کے ذرائع آمدن میں اضافہ ہوتا ہے، خاص طور پر انعامی اسکیموں میں انھیں کامیابی ملتی ہے اور مختلف ذرائع سے پیسا ان کے پاس آتا رہتا ہے، سیارہ زہرہ برج جدی میں حرکت کر رہا ہے اور مارچ کے مہینے میں سیارہ مریخ کے ساتھ اس کا قران جاری ہے، برج جدی میں زہرہ کو خصوصی طاقت حاصل ہوتی ہے، جب کہ مریخ کو اس برج میں شرف کی طاقت ملتی ہے، 26 اپریل سے زہرہ اپنے شرف کے برج میں داخل ہوگا اور 23 مئی تک شرف یافتہ رہے گا،سیارہ مشتری بھی 13 اپریل سے اپنے ذاتی برج حوت میں آچکا ہوگا، گویا زہرہ اور مشتری دونوں نہایت باقوت اور سعد حالت میں ہوں گے، دونوں کے درمیان باہمی قران 28 اپریل ہی سے شروع ہوجائے گاجو تقریباً6 مئی تک جاری رہے گا، زہرہ اور مشتری کا قران ”قران السعدین “کہلاتا ہے، ماہرین جفر اس کی سعادت کے معترف ہیں اور اس موقع پر ایسے جفری اعمال کو اہمیت دیتے ہیں جو زندگی میں خوش قسمتی لانے کا باعث ہوں۔
اس عرصے میں 20 کا مخصوص نقش اصول و قواعد کے مطابق تیار کرکے انگوٹھی میں پہنا جائے یا چاندی کی گول لوح پر لاکٹ بناکر گلے میں ڈالا جائے تو یقینا مالی امور میں فائدہ بخش ثابت ہوگا، ہم یہاں 20 کا مخصوص نقش دے رہے ہیںجو اس حوالے سے مالی خوش بختی کے لیے مخصوص ہے۔

لکی لوح یا انگوٹھی

 

اس نقش کی اوپر سے نیچے اور دائیں سے بائیں اعداد کی میزان 20 ہے، اندر کے چار خانوں کی میزان بھی 20 ہے، نقش کی چال آسان ہے، خانہ نمبر 1 سے شروع کریں اور 9 تک بالترتیب تمام خانے بھرتے چلے جائیں، نقش مکمل ہوجائے گا، نقش کے چاروں کونوں پر سیارہ زہرہ کا مخصوص طلسمی لفظ ”ھے“ ہے۔اسے بھی چاروں کونوں پر لکھ لیا جائے ، اس نقش کو چاندی کی انگوٹھی پر بھی کندہ کیا جاسکتا ہے اور چاندی کی گول لوح پر بھی، دونوں صورتیں کارآمد ہوں گی اس کے علاوہ ہرن کی جھلّی پر زعفران اور مشک و عنبر کی روشنائی سے لکھ کر چاندی کی انگوٹھی میں رکھیں اور اوپر سفید عقیق کا نگینہ جڑوالیں۔
اس نقش کی تیاری کے لیے سعد اوقات زہرہ کی ہم نشان دہی کر رہے ہیں، خیال رہے کہ یہاں ایسے اوقات دیے جارہے ہیں جب زہرہ اور مشتری کا قران بھی جاری ہوگا، امید ہے کہ ضرورت مند اس تحفے سے فائدہ اٹھائیں گے اور ہمیں دعائے خیر سے یاد کریں گے، وہ لوگ جو نقش خود تیار نہ کرسکیں وہ براہ راست رابطہ کرکے ہمارے دفتر سے یہ نقش حاصل کرسکتے ہیں۔

سعد اوقاتِ زہرہ

پاکستان کے تمام شہروں کے لیے علیحدہ علیحدہ اوقات دینا ممکن نہیں ہے، دارالحکومت اسلام آباد کو مرکز مان کر ہم سعد اوقات اور ساعات کی نشان دہی کر رہے ہیں اسلام آباد کے ارد گرد موجود تمام شہروں کے درمیان دو سے تین منٹ کا عموماً فرق ہوتا ہے، البتہ صوبہ سندھ اور خاص طور سے کراچی کے وقت میں اسلام آباد سے تقریباً 30,32 منٹ کا فرق ہوگا، یعنی ہمارے دیے ہوئے اوقات میں سے تقریباً تیس منٹ نفی کرنا ہوں گے۔
2 مئی بہ روز پیر رات 10:11 pm سے 11:12 pm
3 مئی بہ روز منگل 07:58 am سے 08:42am، اس کے بعد 03:28 pm سے 04:35 pm
4 مئی بہ روز بدھ شب 04:25 am سے 05:18 am ، اس کے بعد 12:05 pm سے 01:12 pm
5 مئی بہ روز جمعرات شب 01:48 am سے 02:40 am ، اس کے بعد صبح 08:41 am سے 09:49 am ، پھر04:36 pm سے 05:44 pm اور رات 11:12 pm سے 12:56am ۔
6 مئی بہ روز جمعہ 05:16am سے 06:24am ، پھر 01:12 pm سے 02:21 pm پھررات 08:37 pm سے 09:28 pm ۔
گزشتہ دنوں ساعتوں سے واقفیت کے لیے ہم ایک روز و شب کی ساعتوں کا نقشہ بھی دے چکے ہیں، اگر آپ اپنے شہر کا طلوع آفتاب اور غروب آفتاب کا وقت معلوم کرلیں تواس نقشے سے بھی کام لے سکتے ہیں اور سیارہ زہرہ اور مشتری کی ساعتوں کا انتخاب کرسکتے ہیں۔

 

 

سیاروی مارچ میں سیاسی ناچ‘مارچ کا پہلا ہفتہ اہم

 

سیاروی اجتماع کے نتیجے میں دنیا بھر میں ایک نیا بھونچال

سال کے تیسرے مہینے مارچ کا آغاز ہورہا ہے، ہم نے گزشتہ کالموں میں اس ماہ کے بارے میں عرض کیا تھا کہ ”مارچ میں سیاروی مارچ“ہوگاسو وہ جاری ہے۔
28 فروری کو برج جدی میں ہونے والا سیاروی اجتماع یقینا غیر معمولی اثرات کا حامل ہے جس کے نتیجے میں پاکستان ہی نہیں پوری دنیا انتشار اور خلفشار کا شکار ہے، ایسے اجتماعات کے اثرات تقریباً ایک ہفتہ پہلے سے شروع ہوجاتے ہیں یعنی صورت حال ایک نیا رخ بدلنے لگتی ہے، گزشتہ تقریباً ایک ماہ سے روس اور یوکرائن کے درمیان محاذ آرائی جاری تھی، 24 مارچ سے یوکرائن پر روس کے بھرپور حملے کا آغاز ہوچکا ہے ،یہ نئی صورت حال خاصی تشویش ناک ہے گویا دنیا کے دو بڑے پاور گروپس آمنے سامنے آگئے ہیں یعنی روسی مشرقی بلاک اور امریکی مغربی بلاک ، کیا یہ کسی بڑی جنگ کی جانب پہلا قدم ہے؟
موجودہ روس جو سویت یونین کے خاتمے کے بعد وجود میں آیا، علم نجوم کے مطابق اس کا طالع پیدائش (لگن) سرطان ہے، دلچسپ صورت حال یہ ہے کہ سب سے بڑی سپر پاور امریکا کا بھی طالع پیدائش سرطان ہے، جب کہ یوکرائن کے موجودہ زائچے میں برج جدی طلوع ہے، سرطان اور جدی ایک دوسرے کے مقابل کے برج ہیں، گویا دونوں باہم پارٹنر بھی ہوسکتے ہیں اور حریف بھی ، چین ، اسرائیل کا طالع پیدائش بھی جدی ہے۔
طالع برج سرطان کے ساتھ روس کا زائچہ بلاشبہ جارحانہ عزائم کی نشان دہی کر رہا ہے کیوں کہ قمر کے دور اکبرمیں جولائی 2021 سے راہو کا دور اصغر جاری ہے، راہو زائچے میں نہ صرف یہ کہ چھٹے گھر (اختلافات، جنگ و جدل )میں ہے بلکہ چھٹے گھر کے حاکم سیارہ مشتری سے متاثر بھی ہے، طالع سرطان کے لیے سیارہ مشتری اور زحل کے ساتھ راہو کیتو منحوس اثرات کے حامل سیارے ہیں، مشتری و زحل دونوں امریکا اور روس کے زائچوں میں اس وقت حساس پوائنٹ پر حرکت کر رہے ہیں، یوکرائن کے زائچے میں راہو کیتو حساس پوائنٹ پر ہیں، چناں چہ اچانک ہی صورت حال نے ایک نئی کروٹ بدل لی ہے جو دنیا کی دو ایٹمی طاقتوں کو آمنے سامنے لے آئی ہے اور پوری دنیا ایک بڑے بحران سے دوچار ہوچکی ہے۔
وزیراعظم پاکستان عمران خان عین اس وقت جب یوکرائن پر بھرپور حملہ شروع ہوا، ماسکو میں تھے، ان کا پہلے سے طے شدہ دورہ روس جاری تھا، روسی صدر مسٹر پیوٹن سے ان کے مذاکرات تقریباً تین گھنٹے جاری رہے جو خاصے خوش گوار نظر آتے ہیں، کیا یہ دورہ روس امریکی بلاک کے لیے کوئی نیا اشارہ ہے؟حالاں کہ پاکستان کا موقف یہ ہے کہ وہ کسی بھی بلاک میں شامل نہیں ہے، ماضی کی طرح حال میں بھی دنیا دو بڑے بلاکوں میں تقسیم ہے، مشرقی بلاک میں روس اور چین کے ساتھ ایران ،شام اور دیگر کئی ممالک شامل ہیں، دوسری طرف مغربی بلاک میں امریکا کے ساتھ انگلینڈ، سعودی عربیہ، یو اے ا ی ،بھارت اور یورپی ممالک شامل ہیں، یوکرین جو پہلے سویت یونین کا حصہ تھا اور اس کے ٹوٹنے کے بعد ایک آزاد یورپی ملک کے طور پر ابھرا، اب ایک بڑے تنازع کا سبب بن رہا ہے اور امکان پیدا ہوگیا ہے کہ یہ صورت حال دنیا کو کسی طویل محاذ آرائی کی دہلیز پر لاسکتی ہے۔
دوسری محاذ آرائی چین اور امریکا کے درمیان تائیوان کے حوالے سے جاری ہے، تائیوان امریکا کا اتحادی ہے لیکن چین اسے اپنا حصہ قرار دیتا ہے،بالکل اسی طرح جیسے روس یوکرائن کو اپنا حصہ سمجھتا ہے۔
عزیزان من! دلچسپ صورت حال یہ ہے کہ دنیا کے تین ممالک پاکستان ، روس اور امریکا کے سربراہان مملکت عمران خان ، ولادی میر پیوٹن اور جیو بائیڈن کا طالع پیدائش (Birth sign) برج میزان ہے، ہم بہت پہلے اس کی نشان دہی کرچکے ہیں اور تینوں ملکوں کے سربراہان کے تفصیلی زائچے بھی پیش کرچکے ہیں، دو میزانی سربراہ ماسکو میں ملاقات کر رہے تھے جب کہ تیسرا میزانی سربراہ اس ملاقات کو تشویش کی نظر سے دیکھ رہا تھا اور روس کے جارحانہ قدم کی مذمت کر رہا تھا، امکان ہے کہ بہت جلد امریکی سخت ردعمل سامنے آجائے گا اور شاید دنیا ایک بار پھر اپنے ماضی کی طرف لوٹ جائے جب سویت یونین اور امریکا کے درمیان ایک طویل عرصے تک سرد جنگ کا محاذ گرم رہا، اس وقت بھی دنیا دو بڑے بلاکس میں تقسیم تھی اور طاقت کا توازن امریکی پلڑے میں تھا جس کے نتیجے میں امریکا نے سویت یونین کاخاتمہ کردیا اور خود تنہا پوری دنیا کا پولیس مین بن بیٹھا، اس بار طاقت کا توازن چین کی شمولیت سے مشرقی پلڑے میں نظر آتا ہے اور ایک نئی محاذ آرائی عروج پر پہنچ چکی ہے۔
دسمبر 2019 ، فروری 2021 اور 2022 میں ہونے والے عظیم سیاروی اجتماعات کے نتیجے میں دنیا تیزی سے تبدیلی کے نئے دور میں داخل ہورہی ہے

ہے کہاں تمنا کا دوسرا قدم یا رب
ہم نے دشتِ امکاں کو اک نقشِ پا ،پایا

عزیزان من! یہ ایک بہت بڑا موضوع ہے، دنیا کے وہ تمام ممالک جو مشرقی اور مغربی بلاک میں شامل ہیں، ان کے زائچوں کا بغور مطالعہ مندرجہ بالا سیاروی اجتماعات کی روشنی میں ظاہر کرے گا کہ آنے والا وقت دنیا کو کس نئی سمت کی طرف لے جارہا ہے، ہم اس موضوع پر اس سے پہلے کئی بار اظہار خیال کرچکے ہیں اور ہمارے یہ مضامین نہ صرف یہ کہ ہماری ویب سائٹ پر موجود ہیں بلکہ ماہنامہ آئینہ قسمت لاہور اور سالانہ زنجانی جنتری میں بھی شائع ہوچکے ہیں، ان شاءاللہ آئندہ بھی اس موضوع پر گفتگو جاری رہے گی۔

پاکستان

پاکستانی سیاست جیسا کہ پہلے نشان دہی کی تھی ، مارچ میں سیاروی مارچ کے زیر اثر روز بہ روز نت نئے رنگ دکھا رہی ہے، تحریک عدم اعتماد ، لانگ مارچ وغیرہ کی تیاریاں اور موجودہ حکومت کے خاتمے کی کوششیں جاری ہیں جس کے تین اہم کردار ہیں،حکومت ، حزب اختلاف اور مقتدر حلقے جن کے بارے میں اب یہ کہا جارہا ہے کہ وہ غیر جانب دارانہ رویہ اختیار کرچکے ہیں، یہ گمان حزب اختلاف کا ہے جو ہمارے خیال میں کسی حد تک غلط ہے بے شک مقتدر حلقے سیاسی معاملات میں کسی مداخلت سے گریز کی حکمت عملی پر عمل پیرا ہیں مگر ملک میں کسی انتشار اور خلفشار کی صورت میں بہر حال خاموش تماشائی نہیں رہ سکتے کیوں کہ وہ اچھی طرح جانتے ہیں کہ حزب اختلاف کی تمام جماعتیں جس تبدیلی کی خواہش مند ہیں وہ ملک و قوم کے مفاد سے زیادہ ذاتی مفادات کا کھیل ہے اور ان ذاتی مفادات میں بھی ان کے درمیان خود صرف ایک ہی پوائنٹ مشترک ہے، بغضِ عمران خان کیوں کہ وزیراعظم عمران خان اپنی بہت سی کمزوریوں اور کوتاہیوں کے باوجود ایک ایسی شخصیت ہے جس نے پاکستان کی سیاسی اشرافیہ کو عوام کے سامنے بے نقاب کیا ہے، گزشتہ تیس سالوں میں جس طرح اہل سیاست نے اپنا کردار ادا کیا ہے وہ کسی سے ڈھکا چھپا نہیں ہے، عمران خان کی بدقسمتی یہ ہے کہ اسے اقتدار میں آنے کے لیے انہی کھوٹے سکوں کو ساتھ لینا پڑا جو اس سے پہلے بھی پاکستان کے نام نہاد جمہوری سسٹم میں فعال تھے اور اب اس کے لیے ایک مسئلہ بنے ہوئے ہیں لیکن شاید یہ لوگ اس حقیقت سے ناواقف ہیں کہ عمران خان اپنے زائچے کی روشنی میں محترمہ بے نظیر بھٹو اور نواز شریف سے بہت مختلف انسان ہے اس کی ساری زندگی کرکٹ کے میدانوں میں بڑے بڑے چیلنج قبول کرتے گزری ہے اور اس کی وجہ ہماری نظر میں عمران خان کا قمری برج حمل اور قمری منزل اشونی ہے جس پر ڈائنامک سیارہ مریخ اور غضب ناک کیتو کی حکمرانی ہے وہ ان لوگوں میں سے نہیں ہےں جو خاموشی سے سرجھکا کر اپنے گھر چلے جاتے ہیں، چناں چہ اس بات کا امکان موجو د ہے کہ اگر صورت حال قابو سے باہر ہوجائے تو عمران خان کوئی ایسا قدم اٹھاسکتے ہیں جس کی توقع کسی کو بھی نہ ہویعنی نہ کھیلیں گے اور نہ کھیلنے دیں گے، اس موقع پر اسرار الحق مجاز کا ایک شعر یاد آرہا ہے

بہت مشکل ہے دنیا کا سنورنا
تری زلفوں کا پیچ و خم نہیں ہے

گزشتہ کالم میں ہم نے عرض کیا تھا کہ سیارہ شمس کا تعلق دنیاوی علم نجوم میں صاحب حیثیت اور اعلیٰ مرتبہ و عہدہ رکھنے والے افراد سے ہے، پاکستان کے زائچے میں شمس اس وقت دسویں گھر سے گزر رہا ہے جب کہ زائچے کا سب سے منحوس سیارہ مشتری بھی برج دلو میں موجود ہے،شمس کی قربت کے سبب مشتری غروب حالت میں ہے لیکن شمس سے قران کے نتیجے میں وہ بری طرح سے شمس کو متاثر کرے گا، قران شمس و مشتری 4 اور 5 مارچ کو ہوگا، چناں چہ مارچ کا پہلا ہفتہ تحریک عدم اعتماد پیش ہونے یا نہ ہونے کے لیے اہم ہے، دوسری طرف سیارہ شمس زائچے کے چوتھے گھر کا حاکم ہونے کی وجہ سے عوام اور حزب اختلاف کا بھی نمائندہ ہوجاتا ہے لہٰذا شمس کی خراب پوزیشن جہاں عوام کے لیے مزید مشکلات اور سختیاں لاسکتی ہے وہیں اپوزیشن کے لیے بھی خوش کن نہیں ہے، تحریک عدم اعتماد اگر پیش بھی ہوتی ہے تو اس کی کامیابی کے امکانات بہت کم ہے،مارچ کا پہلا ہفتہ اپوزیشن کے لیے بھی کوئی بڑی مایوسی یا اپ سیٹ لاسکتا ہے جوصیدکا عالم وہی صیاد کا عالم ۔(واللہ اعلم بالصواب)

مارچ کی سیاروی رفتار

سیارہ شمس برج دلو میں حرکت کر رہا ہے، 14 مارچ سے برج حوت میں داخل ہوگا اور مہینے کے آخر تک اسی برج میں رہے گا۔
سیارہ عطارد برج جدی میںہے، 6 مارچ کو برج دلو میں داخل ہوگا اور 19 مارچ سے غروب ہوجائے گا، 24 مارچ کو اپنے ہبوط کے برج حوت میں داخل ہوگا اور پورا مہینہ اسی برج میں غروب حالت میں حرکت کرے گا۔
سیارہ زہرہ برج جدی میں سیارہ مریخ کے ساتھ حالت قران میں ہے، یہ قران 19 مارچ تک جاری رہے گا، 31مارچ کو سیارہ زہرہ برج دلو میں داخل ہوگا۔
سیارہ مریخ برج جدی میں حرکت کر رہا ہے اور پورا مہینہ اپنے شرف کے برج جدی میں ہی گزارے گا۔
سیارہ مشتری برج دلو میں حرکت کر رہا ہے اور شمس کی قربت کے سبب غروب ہے، اس کی یہ کمزور پوزیشن 21 مارچ تک رہے گی اس کے بعد طلوع ہوجائے گا۔
سیارہ زحل برج جدی میں حرکت کر رہا ہے اور پورا مہینہ اسی برج میں حرکت کرے گا۔
راس و ذنب اس ماہ 17 مارچ کو برج تبدیل کر رہے ہیں، راس برج حمل میں اور ذنب برج میزان میں داخل ہوگا اور تقریباً آئندہ ڈیڑھ سال کا عرصہ انھی دونوں بروج میں حرکت کریں گے۔

شرف قمر

سیارہ قمر پاکستان اسٹینڈرڈ ٹائم کے مطابق8 مارچ کو 12:01 pm پر اپنے شرف کے برج ثور میں داخل ہوگا اور 11 مارچ شب 12:32 am تک برج ثور میں رہے گا، اس دوران میں ابتدائی درجات پر راہو کیتو کی نظر میں ہوگا چناں چہ شرف قمر سے مفید نتائج حاصل کرنے کے لیے بہتر وقت 9 مارچ صبح 07:25 am سے 08:48 am تک اور پھر 02:16 pm سے 03:14 pm تک ہوگا، اس بار شرف قمر عروج ماہ میں ہورہا ہے لہٰذا زیادہ موثر اور طاقت ور ہوگا، اس دوران میں جو بھی وظائف و اعمال کیے جائیں گے ان کی تاثیر یقینی ہے۔
اپنی عام جائز ضروریات کی تکمیل کے لیے اسمائے الٰہی یا رحمن یا رحیم 556 بار اول آخر درود شریف کے ساتھ پڑھ کر دعا کریں ان شاءاللہ حاجت پوری ہوگی، دوسرا وظیفہ بسم اللہ الرحمن الرحیم کا ہے، اس وقت میں 786 مرتبہ پڑھ کر چینی پر دم کرلیں اور اس چینی کو گھر میں استعمال ہونے والی چینی میں ملادیں، گھر کے تمام افراد یہی چینی استعمال کریں، ان شاءاللہ گھر میں خیروبرکت اور خاندان میں اتفاق و اتحاد پیدا ہوگا، باہمی اختلافات کا خاتمہ ہوگا۔
خاندانی رشتے داروں میں یا کسی دوست یا باہمی طور پر محبت کرنے والوں کے درمیان اگر نا اتفاقی ، ناچاقی یا کسی بھی نوعیت کی کوئی بدمزگی ہوگئی ہوتو اسی طرح بسم اللہ الرحمن الرحیم کچھ سفید رنگ کی مٹھائی پر پڑھ کر دم کریں اور ناراض رشتے دار یا دوست یا محبت کرنے والے کے گھر تحفتاً بھیج دیں تاکہ وہ یہ مٹھائی کھائے، ایک ٹکڑا آپ بھی اپنے لیے رکھ لیں اور اسے کھالیں، ایک صورت یہ بھی ہوسکتی ہے کہ پہلے سے دودھ کی کھیر پکا کر رکھ لیں اور اس پر وظیفہ پڑھ کر دم کرلیں، بعد میں ایسے تمام رشتے داروں کے گھر بھیج دیں جن سے ناراضی ہو یا وہ مخالف ہوں، ان شاءاللہ ان کے رویے میں تبدیلی آجائے گی۔

قمر در عقرب

پاکستان اسٹینڈرڈ ٹائم کے مطابق اس ماہ قمر اپنے ہبوط کے برج میں 22 مارچ کو دوپہر 02:04 pm پر داخل ہوگا اور 24 مارچ شام 05:01 pm تک برج عقرب میں رہے گا، یہ تمام عرصہ نحوست کا ہے، اس عرصے میں کوئی نیا کام شروع نہ کریں ورنہ اس میں کامیابی نہیں ہوگی، خاص طور پر منگنی یا نکاح سے گریز کریں، اس وقت میں بعض جذباتی فیصلے بھی ہوجاتے ہیں، مزاجوں میں حساسیت بڑھ جاتی ہے۔
قمر در عقرب کے وقت میں علاج معالجہ کرانا ، بیماریوں یا بری عادتوں سے نجات کے لیے عمل و وظائف کرنا فائدے مند ہوتاہے، اس موقع پر خاص طور سے بندش وغیرہ کے عمل و نقوش کیے جاتے ہیں، 22 مارچ سے 24 مارچ تک قمر ہبوط یافتہ رہے گا، ہمارے نزدیک یہ تمام وقت ایسے اعمال کے لیے مناسب ہیں، صرف یہ خیال رکھنے کی ضرورت ہوگی کہ مقصد کے موافق ساعتِ روز و شب کا انتخاب کیا جائے، گزشتہ ہفتے کے مضمون میں ساعتوں کا نقشہ دیا گیا تھا، یہ نقشہ ہماری ویب سائٹ پر ”جفر آثار“ کے لنک میں بھی موجود ہے، جب بھی دن یا رات کی ساعتوں کے بارے میں معلوم کرنا ہو تو اس نقشے سے کام لیںاور اپنی ضرورت کے مطابق ساعت کا انتخاب کریں۔
باہمی اختلافات کو ختم کرنے کے لیے قمر یا زہرہ کی ساعت کا انتخاب کریں، مخالفین کی زبان بندی کے لیے ساعت عطارد کا انتخاب کریں، کسی بری عادت کو روکنے کے لیے ساعتِ قمر یا زحل کا انتخاب کریں، ناجائز تعلق کے خاتمے کے لیے قمر ، زہرہ یا مریخ کی ساعت مناسب ہوگی، کسی سرکاری افسر یا عہدے دار کی مخالفت یا دشمنی کو ختم کرنے کے لیے ساعتِ شمس بہتر ہوگی، اہل علم ، وکلاءوغیرہ سے متعلق کوئی مسئلہ ہو تو ساعت مشتری میں کام کریں، امید ہے کہ اس قدر وضاحت سے آپ قمر در عقرب کے اوقات میں اپنی ضرورت کے مطابق کام لے سکیں گے، اس سلسلے سے متعلق ضروری نقش و عملیات ہماری ویب سائٹ پر جفر آثار کے لنک میں موجود ہیں۔

شرف مریخ

سیارہ مریخ اپنے شرف کے برج جدی میں 26 فروری کو داخل ہوجائے گا اور 7 اپریل 2022 تک اسی برج میں حرکت کرے گا، فی الحال ہم شرف کے موثر اوقات اور ضروری اعمال کی نشان دہی نہیں کر رہے لیکن ان شاءاللہ آئندہ ہفتے شرف کے موثر اوقات اور ضروری اعمال دیے جائیں گے۔
سیارہ مریخ کا تعلق توانائی سے ہے، وہ لوگ جن کے زائچے میں مریخ کمزور ہو وہ تقریباً تمام ہی معاملات میں کسی نہ کسی کمزوری کا شکار ہوتے ہیں، مریخ کا تعلق جسمانی اعضاءمیں سر، دماغ، خون وغیرہ سے ہے، اس کی دھات لوہا اور تانبا ہے، شرف کے اوقات میں لوح صحت تیار کی جاتی ہے جو ہر قسم کی کمزوریوں اور خون کی کمی کو دور کرنے کے لیے مفید ہوتی ہے، بلڈ کینسر میں بھی اس کے مفید نتائج دیکھنے میں آتے ہیں، علم جفر کے ذریعے ایسے خصوصی نقش و طلسم اس دوران میں تیار کیے جاسکتے ہیں جو قوت و توانائی کے حصول میں مددگار ہوں ، کسی مہم جوئی ، محاذ آرائی میں معاون ثابت ہوں،خاص طور پر مردانہ قوت میں اضافے کے لیے بھی لوہے پر خصوصی انگوٹھی تیار کی جاتی ہے۔
وہ لوگ جن کے زائچے میں سیارہ مریخ کمزور پوزیشن رکھتا ہو ، عام طور سے سست ، کاہل اور محنت کے کاموں سے گھبرانے اور جی چرانے والے ہوتے ہیں،جوش و جذبے کی ان میں کمی ہوتی ہے، لوح مریخ نورانی ہم اس موقع پر تیار کرتے ہیں جو ایسے تمام لوگوں کے لیے فائدہ بخش ثابت ہوتی ہے، سیارہ مریخ کا پتھر مرجان اور سُرخ عقیق ہے، یہ لوح اگر سرخ عقیق پر تیار کی جائے تو بہت مفید ثابت ہوتی ہے، جو لوگ اس وقت سے فائدہ اٹھانا چاہتے ہوں وہ براہ راست فون پر رابطہ کرکے اپنی کمزوریوں کے سلسلے میں مشورہ کرسکتے ہیں۔

قومی و ملکی زائچے کی منسوبات (حصہ دوم)

 

ملکی کرنسی

یہ ریاست کی طاقت ہوتی ہے جو کہ کرنسی کی طاقت کے ذریعے دکھائی جاتی ہے، اختیارات پہلے شمس، دوسرے گھر پھر قمر کے زیر اثر ہوتے ہیں، قوم کی اچھی مالی حیثیت اور دولت دوسرے گھر سے دیکھی جاتی ہے اور آمدنی کا باقاعدہ بہاو گیارہویں گھر سے دیکھا جاتا ہے، اگر گیارہویں گھر میں کوئی مول ترکون برج نہ ہو تو تب ہم دسویں اور تیسرے گھروں کے حوالے سے دیکھ سکتے ہیں، ان تمام عوامل کو ساتھ لے کر کسی خاص ملک کی کرنسی کی اصل طاقت کو شناخت کیا جاتا ہے۔
جب ایک قوم کی کرنسی کی طاقت کا موازنہ دوسرے ملک سے کرنا ہو تو شرح تبادلہ کی رفتار کا انحصار ملک کے زائچے کے مندرجہ ذیل عوامل پر ہوگا۔
1 ۔ سیاروں کی طاقت
2 ۔ گردش کے اثرات
3۔ دور اصغر کے اثرات
مزید اہم بات یہ ہے کہ ان تینوں حوالوں سے ہمیں پورے زائچے کو ایک مکمل ہستی کی حیثیت سے دیکھنا چاہیے نہ کہ ایک عنصر کی طرح تاہم حقیقی طاقت کے تجزیے اور ہر کرنسی کی لچک اور ان پر طویل المدتی گردشی اثرات کے لیے کرنسی کی طاقت کو ظاہر کرنے والے اشاروں پر غور کرنا مددگار ہوگا۔

مارکیٹنگ اشاریہ

 

50 سالہ اصول

ہر ملکی زائچے میں مدار کی ہر ایک ڈگری کی نظر کا بھرپور اثر ملک کی پیدائش سے پچاس سال بعد ظاہر ہوگا۔

آمریت کی شناخت کا اصول

ملکی زائچے میں طالع کے حاکم کے ابتدائی اثرات کو دیکھیں، تیسرے گھر کا مالک تیسرے گھر میں ہو، تیسرے گھر کا مالک پہلے اور دسویں گھر کو متاثر کرتا ہو (خاص طور پر وہ اگر شمس یا مریخ ہو)، اضافی اثرات چھٹے گھر کے حاکم کے ہوں گے اگر وہ پہلے، تیسرے یا چوتھے گھر میں ہو۔
دنیا بھر میں بڑھتی جمہوری اقدار کے ساتھ جب کہ مستقبل میں آمریت کا تسلط آسانی سے ممکن نہیں ہے، خدشہ ہے کہ جابر اور آمر رہنما سامنے آئیں گے، حکمران سیاسی رہنماوں کے آمرانہ رجحانات لوگوں کی معاشرتی اور معاشی زندگی پر گہرے اثرات ڈالتے ہیں۔
چوں کہ آٹھواں گھر عوام کے اعتقاد پر حاکم ہے، رہنماو¿ں کے پیدائشی زائچے میں ایک مضبوط آٹھواں گھر ان کو بڑے پیمانے پر عوامی حمایت حاصل کرنے میں مدد کرتا ہے، اگر آٹھویں گھر میں کوئی مول ترکون برج نہ ہو تو چوتھے گھر کے مالک پر غور کیا جائے گا اور اگر چوتھے گھر میں بھی مول ترکون برج نہ ہو تو نویں گھر پر غور کیا جائے گا، ایسے معاملات میں جہاں نویں گھر پر بھی مول ترکون برج نہ ہو تو پھر ایک عمومی ترجمان کے طور پر سیارہ شمس پر غور کیا جائے گا۔
جن کا تیسرا گھر مضبوط ہو وہ مستقبل کے رہنما ہوں گے اور جن کے نویں گھر مضبوط ہوں وہ اپنی جاہ طلبی اور مستقبل کے منصوبوں کا ادراک رکھنے والے ہوں گے، ان گھروں میں مول ترکون برجوں کی عدم موجودگی میں مستقبل جاننے کے لیے شمس پر غور کریں۔

دھاتوں کے حاکم سیارے

شمس تانبے اور سونے پر حاکم ہے۔
قمر چاندی پر حاکم ہے۔
مریخ تانبے پر حاکم ہے۔
عطارد پیتل پر حاکم ہے۔
مشتری سونے پر حاکم ہے۔
زہرہ چاندی اور ایلومینیم پر حاکم ہے۔
زحل لوہے، معدنیات اور خام چیزوں پر حاکم ہے۔

کاروباری علامات

زراعت، چوتھا گھر
ماہی گیر، چوتھا گھر
کان کنی اور معدنیات، چوتھا گھر
مرکزی بینک اور رقم، شمس، قمر، دوسرا اور گیارہواں گھر
تعمیراتی صنعت، زحل، مریخ اور چوتھا گھر
پرنٹنگ اور اشاعت، تیسرا گھر اور عطارد
تعلیم، مشتری، شمس، چوتھا گھر
صحت کی خدمات، پہلا گھر، شمس، قمر ، بارہواں گھر
خوردہ فروخت، عطارد، راہو
افادیت، زحل،مریخ اور قمر
تھوک فروخت، عطارد، زحل، راہو
نقل و حمل: عطارد، تیسرا گھر
ٹیلی مواصلات: عطارد،تیسرا گھر
سافٹ ویئر۔ عطارد، زہرہ، تیسرا گھر اور پانچواں گھر
انٹرنیٹ۔عطارد، تیسرا گھر
برقی سامان۔ عطارد اور مریخ
الیکٹرونک سامان۔ راہو
آرٹس اور دستکاری۔ زہرہ، زحل(دستکاری)
بینکنگ۔ مشتری، شمس، دوسرا گھر اور پانچواں گھر
قانونی خدمات۔ زہرہ، عطاد، چھٹا گھر
سیاحت۔ ساتواں گھر اور زہرہ
عدالتی اور مذہبی خدمات۔ مشتری، نواں گھر
لابنگ۔ مشتری، راہو، تیسرا گھر اور دسواں گھر
دنیاوی زائچے میں پہلے اور دسویں گھر پر چھٹے گھر کے حاکم کا اثر قوم کو دوسروں کے ساتھ معاملات میں جارح بناتا ہے۔ چوتھے یا دوسرے گھر پر چھٹے گھر کے حاکم کا اثر قوم کے لیے تنازعات اور قرضہ بڑھاتا ہے۔
چوتھے، دوسرے یا چھٹے گھر پر آٹھویں گھر کے حاکم کا قریبی نحس اثر قوم کے اثاثوں کے لیے مسائل لاتا ہے، چوتھے یا چھٹے گھر کے کمزور حاکم پر آٹھویں گھر کے حاکم کے شدید نحس اثر قوم کو قدرتی آفات، زلزلے اور مہلک حادثات کا شکار بناتا ہے۔
دوسرے سیاروں پر آٹھویں گھر کے مالک کے قریبی یا عین اثرات ان سیاروں یا گھروں کی منسوبات کے لیے خطرہ ہوتے ہیں۔
بارہویں گھر کے حاکم کے سخت نحس اثرات بدکرداری، بدعنوانی،بے جا اصراف اور عیاشیوں کے ذریعے نقصانات کو ظاہر کرتے ہیں۔مثال کے طور پر بارہویں گھر کا حاکم دوسرے گھر کے مو¿ثر مقام پر ہو تو معاشرے کے کچھ افراد کی مجرمانہ سرگرمیوں اور غیر مہذب رویوں کے باعث رتبے اور ساکھ کا نقصان ظاہر کرتا ہے،مثال کے طور پر چند لوگوں کے عصمت دری کے واقعات کے باعث پوری قوم کی ساکھ برباد ہوتی ہے اور یہ اشارے ملتے ہیں کہ خواتین محفوظ نہیں ہیں۔

شدید طویل گردشی نحس اثرات

قوم کے زائچے میں ایسے اثرات کمزور سیاروں پر ہوں یا چوتھے گھر کے موثر مقام پر ہوں یا ایسے نحس گھروں کے موثر مقام پر ہوںتو زلزلے، سیلاب، سمندری طوفان اور آندھیوں جیسی قدرتی آفات کا سبب بنتے ہیں۔جب دسویں گھر کا حاکم دنیاوی زائچے میں مختلف گھروں میں مضبوطی سے براجمان ہو تو مندرجہ ذیل جدول کے مطابق اس کے نتائج کی شناخت کی جاسکتی ہے۔

 

 

پیدائشی زائچے میں کوئی بھی سیارہ چاہے تیزیا سست رفتار ہو، اگر طاقت ور ہو، خاص طور پر اپنے دور میں تو مذکورہ بالا نتائج ظاہر ہوسکتے ہیں، مشتری اور زحل جیسے آہستہ چلنے والے سیارے مختلف گھروں میں اپنی گردش کے دوران ایسے نتائج لاتے ہیں۔
مختلف گھروں کے حاکم جب طاقت ور یا طاقت ور ترین ہوتے ہیں تو درج ذیل نتائج ظاہر کرتے ہیں۔

 

 

 

قومی و ملکی زائچے کی منسوبات

 

دنیاوی علم نجوم کے حوالے سے شائقین کے لیے تحفہ

دنیاوی نجوم ، علم نجوم کی ایک شاخ ہے جو قوموں، شہروں، تنظیموں، کارپوریشنوں اور کاروباری تنظیموں وغیرہ کے زائچے میں برجوں اور سیاروں کے ادوار کے ذریعے سیاروں کے اثرات سے متعلق ہے، اس میں اقوام عالم کے مقاصد اور اہداف ، ان کی دولت ، سیاسی استحکام، مالی حیثیت، ترقی، دوسرے ممالک یا قوموں کے ساتھ تعلقات، قدرتی آفات، صحت عامہ، بنیادی ڈھانچے کی ترقی، قومی آمدنی اور اس کے لوگوں کے روحانی اعتقاد کا احاطہ کیا جاتا ہے۔
اثرات کا مشاہدہ ان گھروں سے کیا جاتا ہے جو قومی زندگی یا سماجی زندگی کے مخصوص پہلووں پر حاکم ہوتے ہیں، برجوں کے ذریعے جو اثرات کی سطح کو ظاہر کرتے ہیں اور سیاروں کی زائچے میں بیٹھک، قوت، ان کی عملی فطرت سے اور دوسرے سیاروں یا گھروں سے ان کے قران اور نظرات کے تعلق سے تمام سیارگان کے اثرات کا مشاہدہ کیاجاتا ہے، خاص طور پر ان کا جو دوسرے سیاروں یا مختلف گھروں کے موثر مقامات سے قریبی قران یا نظرات رکھتے ہوں اور مختلف سیاروں کے مول ترکون برج سے کہ وہ کس گھر میں قابض ہیں۔
ممالک کے لیے سیاروں کے اثرات کا مشاہدہ قوم کی زندگی کے مختلف اوقات میں ان کے حاکموں، سیاسی سربراہوں کے زائچے سے کیا جاتا ہے،در حقیقت قوموں کے زائچے اور حکمرانوں، سیاسی سربراہوں کے زائچے ایک دوسرے کے ساتھ مل کر کام کرتے ہیں، یہ بھی مشاہدہ میں آیا ہے کہ اگر ملکوں اور قوموں کے زائچے اور ان کے سربراہان کے زائچے باہم موافقت نہ رکھتے ہوں تو ایسی صورت میں ملک گمراہی ، تباہی ، انتشار اور بدنظمی کا شکار ہوجاتا ہے۔

قومی یا ملکی زائچے میں گھروں کی منسوبات

قوم کے زائچے میں مختلف گھر قوموں کی زندگی کے مندرجہ ذیل پہلووں کو ظاہر کرتے ہیں۔
پہلا گھر (First house)
زائچے کے پہلے گھر کو اصطلاحاً طالع پیدائش ، لگن یا انگریزی میں ایسنڈنٹ (Ascendent) بھی کہاجاتا ہے، مجموعی طور پر ملک کے عام حالات، امن و امان کی صورت حال، عوام اور ان کے عمومی رجحانات، عوام کی صحت، حکومت کی ساکھ، بہادری اور دنیا میں اس کا مقام دیکھا جاتا ہے، پہلے گھر یا اس کے حاکم پر کوئی قریبی نحوست یا پہلے گھر میں کمزور سیارے کی موجودگی سے قومی تشخص کو درپیش مشکلات کی نشان دہی ہوتی ہے،دوسرے معنوں میں پہلا گھر اس ملک یا قوم کے وجود کی نشان دہی کرتا ہے۔
دوسرا گھر (Second house)
دوسرا گھر بنیادی طور پر قومی دولت،معیشت، ملکی حیثیت اور اس کے ہمسایہ ممالک کے ساتھ مراسم اور تعلقات سے متعلق ہے، یہ لوگوں کی قوت خرید، مالی استحکام، قومی آمدنی، کرنسی کی مضبوطی، بجٹ اور تجارت کے توازن پر بھی حاکم ہے، دوسرے گھر یا اس کے حاکم پر نحس گھروں یا نحس سیاروں کے اثرات یا دوسرے گھر میں نحس سیارے کی موجودگی یا نظر ساکھ کے نقصان اور مالی وسائل میں مشکلات کو ظاہر کرتی ہے۔
تیسرا گھر (Third house)
تیسرا گھر قیادت، عوام کے ساتھ حکومت کے رابطے، ملک میں ٹرانسپورٹ، میڈیا، ٹیلی مواصلات اور انفارمیشن ٹیکنالوجی سمیت مواصلات کے ذرائع پر حاکم ہے، یہ ملک کے مصنف، فلسفی، فلسفیانہ فکر، ادب اور تعلیم یافتہ افراد، تعلیم اور بنیادی سہولیات کے علاوہ جمہوریت اور امن کے مکالمے پر بھی حاکم ہے، تیسرے گھر یا اس کے حاکم پر پیدائش نحوست یا نحس سیاروی اثرات یا تیسرے گھر میں نحس سیارے کی موجودگی مواصلات کے ذرائع سے متعلق حادثات کی نشان دہی کرتے ہیں۔
چوتھا گھر(Forth house)
چوتھا گھر ملک کے قدرتی وسائل، زراعت، کان کنی، معدنیات، زمینی املاک، امن عمومی اور سیاسی استحکام، قدرتی آفات، تعلیمی اداروں، امن و امان، رہائش اور فرقہ وارانہ ہم آہنگی پر حاکم ہے، چوتھے گھر یا اس کے حاکم پر انتہائی نحس سیارے کی یا کسی نحس گھر سے کسی سست رو سیارے کا قریبی تعلق، پیدائشی نحوست یا نحس سیاروی گردش، قدرتی آفات، رہائش کے مسائل اور ملک کے لیے مالی پریشانیوں کی نشان دہی کرتے ہیں۔
پانچواں گھر (Fifth house)
پانچواں گھر دانشوروں، جذباتی استحکام، فرقہ وارانہ ہم آہنگی، لوگوں کی قیاس آرائی کی فطرت، سرمایہ کاری، اسٹاک ایکسچینج، بچوں، آبادی، یونیورسٹیوں، اخلاقیات اور لوگوں کے اقدار پر حاکم ہے، پانچویں گھر یا اس کے حاکم پر انتہائی نحس سیارے کی یا کسی سست رو سیارے کا قریبی تعلق، نحوست یا نحس گردش ملک کے لیے جذباتی پریشانی اور ملک کی مالی منڈیوں کو درپیش مسائل کو ظاہر کرتی ہے۔
چھٹا گھر(Sixth house)
چھٹا گھر عوامی ہم آہنگی، ہمسایہ ممالک سے تعلقات، صحت عامہ، سیاسی استحکام، قوم کا مالی استحکام، قرضوں کا انتظام، قانونی چارہ جوئی، عدالتی کارروائی،الیکشن کمیشن کی فعالیت، ملک میں فرقہ وارانہ ہم آہنگی اور مزدوروں کے معاملات پر حاکم ہے، چھٹے گھر یا اس کے حاکم پر انتہائی نحس سیارے کی یا کسی نحس گھر سے کسی سست رو سیارے کا قریبی تعلق، نحوست یا نحس گردش بڑی تعداد میں اموات دینے والے مہلک حادثات، قرضوں اور تنازعات سے دوچار ہونے کی نشان دہی ہے۔
ساتواں گھر (Seventh house)
ساتواں گھر عیش و آرام ، تفریحی مقامات، سیاحت، عوام کے مابین تعلقات، کاروباری ترقی، خارجہ امور اور معاہدوں پر حاکم ہے، ساتویں گھر یا اس کے حاکم پر انتہائی نحس سیارے کی نظر یا کسی سست روی سیارے کا قریبی تعلق ،نحوست یا نحس گردش عوام کے معیار زندگی اور ملک کی بین الاقوامی حیثیت خطرے میں ہونے کی نشان دہی ہے۔
آٹھواں گھر (Eight house)
آٹھواں گھر عوام الناس کے اعتقادات، سرخ فیتہ اقدامات، کاموں پر عملدرآمد کی رفتار، فوری نفع، تاخیر اور رکاوٹیں، حادثات، مہلک حادثات، وبائی امراض، سونے اور قیمتی پتھر، وراثت،بڑے فوائد، سیلاب، زلزلے، طوفان اور سمندری طوفان وغیرہ پر حاکم ہے، آٹھویں گھر یا اس کے حاکم پر انتہائی نحس سیارے کی یا کسی سست سیارے کی قریبی نحوست یا اس کے حاکم سیارے کی کمزوری اس کی علاقائی سالمیت اور وسائل سمیت ملک کے لیے خطرے کو ظاہر کرتی ہے۔
نواں گھر (Ninth house)
نواں گھر عدالتی نظام، الیکشن کمیشن ، اخلاقیات، مذہب، سفارت کاری، غیر ملکی مشن، تعمیر اور ترقی پر حاکم ہے، نویں گھر یا اس کے حاکم پر نحس سیاروں کے اثرات خاص طور پر راہو یا کیتو جیسے سیاروں کے اثرات ملک کے لیے بدعنوانی کے معاملات اور قسمت کی خرابی لاتے ہیں۔
دسواں گھر(Tenth house)
دسواں گھر اعلیٰ عہدے دار، پارلیمنٹ، انتظامیہ، غیر ملکی تجارت اور امن و امان پر حاکم ہے، دسویں گھر یا اس کے حاکم کی خراب پوزیشن یا اس پر نحس سیاروں کے اثرات اس کی ساکھ کو خراب کردیتے ہیں اور ملک کی بین الاقوامی حیثیت کو درپیش مشکلات کی نشان دہی کرتے ہیں۔
گیارہواں گھر(Eleventh house)
گیارہواں گھر آمدنی، نفع اور مستقبل کے منصوبوں پر حاکم ہے، یہ دوستانہ بین الاقوامی اتحاد پر بھی حکمرانی کرتا ہے، گیارہویں گھر یا اس کے حاکم پر نحس سیاروں کے قریبی برے اثرات معیشت اور ملک کے بین الاقوامی تعلقات میں رکاوٹوں کی نشان دہی کرتے ہیں۔
بارہواں گھر (Twelve house)
بارہواں گھر مالی نقصانات، اخراجات، حادثات و سانحات، لوگوں کے کثیر تعداد میں اسپتال پہنچنے، غیر ملکی قرضوں، جنگوں اور اسمگلنگ پر حاکم ہے، بارہویں گھر یا اس کے حاکم پر نحس سیاروں کے نحس گھروں سے برے اثرات ملک کے لیے نقصانات کی نشان دہی کرتے ہیں۔

سیاروی منسوبات

شمس: شمس حکومت یا ریاستی اختیارات،ریاستی یا عوامی شعبے کے صنعتی کاروباری اداروں سمیت بڑی سماجی نوعیت کی تنظیموں کو ظاہر کرتا ہے، یہ نصب العین، محرک، فنکشن اور کنٹرول ، حکومتی قائدین (وزیراعظم، صدر اور سیاستدان) اور پولیس سمیت دیگر خدمات کو بھی ظاہر کرتا ہے، دوسرے پیشے عدلیہ، بینکر، ٹھیکیدار، ڈاکٹر اور بیوروکریٹس بھی ہیں۔
قمر: قمر عوامی انتظامیہ خاص طور پر کھانے، مہمان نوازی اور شفایابی کو ظاہر کرتا ہے، عوام اور خواتین کی طاقت اور تربیت، تعلقات عامہ، انتظامیہ اور معالج جیسے پیشوں کو بھی ظاہر کرتا ہے۔
مریخ: مریخ ذہنی اور جسمانی ہمت کو ظاہر کرتا ہے، یہ فوج، پولیس اور طاقت کے ذریعے احکامات، آگ اور دھات سے متعلقہ کام، انجینئرنگ، کیمیکلز، سرجن، دانتوں کے ڈاکٹروں اور ایگزیکٹو پوسٹوں پر حاکم ہے، یہ مردوں اور صنعت پر بھی حاکم ہے، جب راہو یا آٹھویں یا بارہویں گھر کے حاکم کے زیر اثر ہو تو سماج دشمن عناصر پر بھی حاکم ہوتا ہے، مریخ تیسرے اور دسویں گھر کے نمائندے(Significator) کے طور پر بھی کام کرتا ہے۔
عطارد: عطارد تجزیاتی ادارے، مواصلات اور امتیازی سلوک اور اعتماد دینے کو ظاہر کرتا ہے، یہ ریاستی سربراہوں کے حکمت عملی طے کرنے والوں اور مشیروں پر حاکم ہے، یہ ریاضی دان، مشیر، کاروبار، شماریات، انجینئرنگ اور متعلقہ شعبوں، تحقیقی اسکالرز، ایڈیٹرز، مصنفین، وکلائ، تجزیاتی کاموں کے ماہر، سافٹ ویئر انجینئرز، دانشور، ٹرانسپورٹرز، پبلشرز، سیلز مین اور تاجر جیسے پیشوں پر حاکم ہے۔
مشتری: مشیر برائے سربراہ مملکت، وزرائ، تعزیر کار، سفارتکار، جج،خزانچی، اعلیٰ سیاسی اور انتظامی عہدیداروں، درس و تدریس، قانون، مالیاتی ادارے اور مشاورتی کردار، منجم، انتظامیہ کے ماہرین، کاروباری مشاورت اور مالی خدمات کو ظاہر کرتا ہے، یہ نویں گھر کے نمائندے (Significator)کے طور پر بھی کام کرتا ہے، جب مضبوط ہو تو پھیلاو اور خوش امیدی پر بھی حاکم ہوتا ہے۔
زہرہ: زہرہ مادی سہولیات ، خواتین کی طاقت، دنیاوی علم اور حصولیات، تخلیقی صلاحیتیں، فن اور بھرپور ذوق، وزرائ، زندگی بچانے والی ادویات، مالی انتظامیہ، تفریح، مصوری، موسیقی، فن تعمیر، آرائشی آرٹس، تفریحی ماڈل، ٹیکسٹائل، اشتہار، حقوق و انصاف، ہوٹلوں، ہوا بازی، طبی تحقیق، ڈیزائن،فیشن اور پرتعیش اشیائ، زنانہ ضروریات، سنیما انڈسٹری، آرٹس اور تفریحی صنعت کو ظاہر کرتی ہے، یہ ساتویں گھر کے نمائندے کے طور پر بھی کام کرتی ہے۔
زحل: زحل نچلی ذات کے رہنما اور سرکاری ملازمین، سخت محنت اور کم معاوضے والی ملازمتیں، کارکنوں کی قیادت، حکومت میں عہدے حاصل کرنے کی کوشش، مزدوروں سے معاملات اور مزدوری والی صنعت، آئل ڈرلنگ اور ریفائننگ، زراعت، ماہی گیری، سامان کی تیاری، تعمیر، زمین کی نقل و حرکت، سڑک کی تعمیر، مزدور اور روزگار کو ظاہر کرتا ہے، یہ ہلکی ٹیکنالوجی کی صنعت اور کان کنی کا بھی حاکم ہے، یہ دسویں، چوتھے اور آٹویں گھر کے نمائندے کے طور پر بھی کام کرتا ہے۔
راہو: سفارتی اقدامات، ہیرا پھیری اور دھوکہ دہی، شراب سازی اور نشہ آور چیزوں کی تیاری پر حاکم ہے، یہ زہر فروش، منشیات کی طرف دھکیلنے والے، شراب فروش، سیلز مین، سنسنی پھیلانے والے، اشکبار، خوشی کے متلاشی، ڈھونگ اور غیر اخلاقی حرکتیں کرنے والوں سے متعلق ہے۔
کیتو: کیتو قدرتی آفات، پر تشدد اقدامات یا واقعات، خوف اور حادثات کو ظاہر کرتا ہے، یہ غریب اور تنہا لوگوں پر حاکم ہے، یہ روحانی، مذہبی خدمات اور اداروں کو عروج دیتا ہے۔(جاری ہے)

غیر معمولی اثرات کا حامل قرانِ زہرہ و مریخ

 

ملکی ِ حالات میں کوئی ڈرامائی تبدیلی، ایک خاص عمل محبت

گزشتہ مضمون میں مارچ کی غیر معمولی صورت حال پر اظہار خیال ہوا تھا، فروری کے آخر میں ہونے والا سیاروی اجتماع اس حوالے سے نہایت اہم ہے، ہم نے عرض کیا تھا کہ کوئی بڑا آئینی بحران ،عدلیہ اور الیکشن کمیشن کی غیر معمولی فعالیت اس عرصے میں نظر آتی ہے کیوں کہ یہ سیاروی اجتماع زائچے کے نویں گھر میں ہوگا، شمس اور مشتری پاکستان کے زائچے کے دسویں گھر میں قران کر رہے ہوں گے، مشتری غروب ہوگا جب کہ شمس کو بری طرح متاثر کرے گا،شمس کی خراب پوزیشن زائچے کے دسویں گھر میں حکومت اور وزیراعظم کے لیے ناموافق ثابت ہوسکتی ہے، مزید یہ کہ سیارہ زہرہ اور مریخ بھی اس وقت نویں گھر میں زائچے کے نہایت حساس مقام پر حالت قران میں ہوں گے، یہ اوضاع فلکی زائچہ پاکستان کے لحاظ سے نہایت نحس اثرات کی حامل ہے،ممکنہ اثرات پر زیادہ کھل کر گفتگو مناسب نہیں ہے،ہم نے عرض کیا تھا کہ مریخ اور زہرہ کا قران زائچہ پاکستان میں نہایت منحوس اثرات کا حامل ہے، بین الاقوامی اور ملکی اسٹیبلشمنٹ اس عرصے میں کوئی کلیدی کردار ادا کرسکتی ہے جس کا نتیجہ حکومت کے خلاف بھی ہوسکتا ہے،شمس کی خراب پوزیشن اعلیٰ عہدہ و منصب کے حامل افراد کی تنزلی یا معزولی ظاہر کرتی ہے اور کسی ایمرجنسی کی صورت حال کا امکان پیدا ہوسکتا ہے۔
گزشتہ دنوں میں وزیراعظم پاکستان جناب عمران خان نے عوامی سوالات کا جواب دیتے ہوئے اس خطرے کی تصدیق کردی ہے، انھوں نے کہا ”اگر مجھے نکالا گیا تو میں اور زیادہ خطرناک ثابت ہوسکتا ہوں“
اس کا مطلب ہے کہ سیاست کی فضا میں ایک غیر معمولی ہلچل شروع ہوچکی ہے جس کا اندازہ یقینا وزیراعظم کو بھی ہوچکا ہے، وہ اس صورت حال سے نمٹنے کے لیے کیا حکمت عملی اختیار کریں گے اس کے بارے میں تو ہم کچھ نہیں کہہ سکتے، البتہ اپوزیشن لیڈر لانگ مارچ اور تحریک عدم اعتماد کی تیاری کر رہے ہیں، آج تک پاکستان کی تاریخ میں کوئی تحریک عدم اعتماد کامیاب نہیں ہوئی، اس کی کامیابی کے لیے کچھ دیگر عوامل کا موافقت میں ہونا ضروری ہوتا ہے ورنہ گنتی پوری بھی ہو تو ادھوری رہ جاتی ہے، بہر حال اپوزیشن بہت پر امید ہے اور ان کی امیدیں بلاوجہ نہیں ہوسکتیں، دلچسپ صورت حال یہ ہے کہ شمس کی خرابی سے اگر حکومت و وزیراعظم کو خطرات لاحق ہیں تو اپوزیشن کے لیے بھی یہ صورت حال بہتر نہیں ہے اور پانسہ کسی ایسے رُخ پر بھی پلٹ سکتا ہے جس کی کسی کو توقع ہی نہ ہو، کوئی ایسا منظرنامہ سامنے آئے جو دیکھنے والوں کو حیران کردے، زہرہ اور مریخ کا قران تقریباً 8 مئی سے شروع ہوگا اور 19 مارچ تک جاری رہے گا، یہ وقت یقینا نہایت عجیب اور حیرت ناک حالات و واقعات سامنے لاسکتا ہے

ہر موڑ نئی اک الجھن ہے قدموں کا سنبھلنا مشکل ہے
وہ ساتھ نہ دیں پھر دھوپ تو کیا سائے میں بھی چلنا مشکل ہے

فروری کی سیاروی گردش

سیارہ شمس برج جدی میں حرکت کر رہا ہے، یکم فروری کو قمر اور شمس کا قران ہوگا، گویا نئے چاند کی پیدائش ہوگی، 2 فروری کو رویت ہلال کا امکان موجود ہے، شمس 13 فروری کو برج دلو میں داخل ہوجائے گا اور فروری میں اسی برج میں حرکت کرے گا۔
سیارہ قمر برج جدی میں بحالت رجعت حرکت کر رہا ہے اور چار فروری کو مستقیم ہوگا اور پورا مہینہ اسی برج میں حرکت کرے گا۔
سیارہ زہرہ برج قوس میں حرکت کر رہا ہے،21 فروری کو برج جدی میں داخل ہوگا، اس برج میں اس کی پوزیشن بہتر ہوتی ہے۔
سیارہ مریخ بھی برج قوس میں ہے ،26 فروری کو برج جدی میں داخل ہوگا جو اس کا شرف کا برج ہے،مریخ اور زہرہ تقریباً ایک ماہ سے زیادہ کا عرصہ حالتِ قران میں گزاریں گے،اس حوالے سے دونوں کے باہمی قران کے اثرات پر علیحدہ سے گفتگو ہوگی۔
سیارہ مشتری برج دلو میں حرکت کر رہا ہے اور فروری میں اسی برج میں رہے گا، فروری کی 20 تاریخ سے غروب ہوجائے گا۔
سیارہ زحل اپنے ذاتی برج جدی میں حرکت کر رہا ہے اور شمس کی قربت کے سبب غروب ہے،21 فروری کے بعد طلوع ہوجائے گا۔
راہو اور کیتو بالترتیب برج ثور اور عقرب میں پورا مہینہ حرکت کریں گے۔

شرف قمر

قمر اپنے شرف کے برج میں اس ماہ 9 فروری 03:45 am پر داخل ہوگا اور 11 فروری 04:36 pm تک برج ثور میں شرف یافتہ رہے گا، یہ نہایت سعد وقت ہوتا ہے لیکن گزشتہ دو ماہ سے راہو اور کیتو کی برج ثور کے ابتدائی درجے پر موجودگی سیارہ قمر کے ساتھ قران کا باعث ہورہی ہے لہٰذا شرف کے اوقات کا انتخاب دیکھ بھال کر کرنا چاہیے، ہمارے نزدیک اس ماہ کے لیے شرف قمر کے موثر اورمناسب اوقات درج ذیل ہیں۔
10 فروری کو شب 01:27 am سے 02:33 am تک ۔
10 فروری 08:50 am سے 10:03 am تک۔
10 فروری 10:20 am سے 12:22 pm تک۔

قمر در عقرب

قمر اس ماہ اپنے ہبوط کے برج عقرب میں پاکستان اسٹینڈرڈ ٹائم کے مطابق 23 فروری کو صبح 08:27 am پر داخل ہوگا اور 25 فروری صبح 11:37 am تک برج عقرب میں ہبوط یافتہ رہے گا، تمام وقت انتہائی منحوس اثرات کا حامل ہے، اس دوران میں کوئی نیا کام شروع نہ کریں خاص طور پر منگنی و نکاح وغیرہ سے گریز کریں، اپنے معمولات کے فرائض کی ادائیگی تک خود کو محدود رکھیں۔
قمر در عقرب میں بری عادتوں سے نجات ، کسی بھی نوعیت کی بندش ، مخالفین یا دشمنوں کی روک تھام وغیرہ سے متعلق عملیات کیے جاتے ہیں، مندرجہ بالا وقت میں اپنے مقصد کے مطابق ساعت کا انتخاب کرکے عمل یا نقش سے کام لیا جاسکتا ہے، اس حوالے سے ضروری معلومات ہماری ویب سائٹ پر جفر آثار کے لنک سے مل سکتی ہیں۔

قران زہرہ و مریخ

محبت کرنے والوں کے لیے عملِ محبت

جیسا کہ پہلے بھی ایک اہم ترین وقت کی نشان دہی کی گئی ہے اور بتایا گیا ہے کہ اس بار زہرہ و مریخ کا قران غیر معمولی نوعیت کا واقع ہورہا ہے، ایسا وقت سالوں میں کبھی دستیاب ہوتاہے یعنی مریخ اپنے شرف کے گھر میں ہوگا اور زہرہ بھی موافق گھر میں ،مزید یہ کہ دونوں سیارگان ایک طویل عرصہ حالتِ قران میں گزاریں گے، علم نجوم کے قواعد کی روشنی میں یہ دونوں سیارے عاشق و معشوق ہیں، مریخ مذکر ہے اور مرد سے منسوب ہے اور زہرہ مونث ، عورت سے منسوب ہے لہٰذا ان دونوں کے درمیان سعد نظر یعنی باہمی ملاپ معاملاتِ جذب و ربط اور دلوں میں گداز پیدا کرنے کے لیے معاون و مددگار ہوتی ہے، اس موقع پر محبت و دوستی سے متعلق عملیات و نقوش تیار کیے جاتے ہیں اور دو افراد مرد و عورت کو قریب لانے ، ایک دوسرے کی محبت میں پرجوش اور بے تاب کرنے کے لیے کوشش کی جاتی ہے، ہم اس موقع پر اپنا ایک مجرب عمل محبت پیش کر رہے ہیں، بے شک عمل کی تیاری آسان نہیں ہے لیکن جو لوگ محنت کرکے عمل کو درست طور پر تیار کرلیں گے وہ یقینااپنی مراد پالیں گے۔اس وقت میں جفری طریقے اختیار کرکے میاں بیوی کے درمیان یگانگت و اتحاد اور خلوص و محبت پیدا کی جاسکتی ہے یا پسند کی جگہ شادی کے لیے کوشش کی جاسکتی ہے، ناراض محبوب کو راضی کیا جاسکتا ہے کسی اجڑتے ہوئے گھر کو آباد کیا جاسکتا ہے۔
ہم عموماً ایسے عملیات و طریق کار عام کرنے سے گریز کرتے ہیں کہ نا اہل و ہوس کار خلق خدا میں فتنے و فساد پیدا نہ کریں یا نادان و جذباتی سوچ رکھنے والے ناپختہ ذہن ایسے اعمال کو کھیل نہ بنالیں لیکن اس حقیقت سے بھی انکار نہیں کہ ایسے اعمال کے مثبت پہلو زیادہ اہمیت کے حامل ہیں، کسی کی ازدواجی زندگی اگر محبت و خلوص کے زیور سے آراستہ ہوجائے تو اس سے بہتر بات اور کیا ہوگی یا جائز حدود میں اس طریقے سے کوئی نیا گھر آباد ہوجائے تو یہ بھی کار خیر ہوگا، البتہ جو ناجائز اور منفی طور پر ایسے طریقوں سے روحانی مدد حاصل کرنے کی کوشش کرتے ہیں وہ عموماً ناکام و نامراد ہی رہتے ہیں اور اکثر نقصان اٹھاتے ہیں۔
ہماری روایت کے خلاف عمل کچھ مشکل ضرور ہے مگر کوشش کریں گے کہ آسان انداز میں پیش کریں تاکہ عام افراد فائدہ اٹھاسکیں،ا س عمل کو اگر کسی مرد کے دل میں جذبات عشق پیدا کرنے کے لیے کیا جائے تو ساعت مریخ یا مشتری میں عمل کریں اور اگر عورت مطلوب ہو تو ساعت زہرہ یا قمر لی جائے گی۔
اگر میاں بیوی میں سے کوئی ایک خلاف رہتا ہے اور دوسرے فریق کو شکایت ہے کہ اسے نظر انداز کیا جاتا ہے یا اس سے نفرت کی جاتی ہے تو یہ عمل کام دے گا، اگر کسی خاص جگہ رشتہ مطلوب ہے اور لڑکی یا لڑکا راضی نہیں یا اگر کوئی فرد راضی نہیں تو اس صورت میں بھی یہ عمل کام دے گا، اب طریقہ کار کو سمجھ لیں۔
طالب وہ ہوتا ہے جو چاہتا ہے اور مطلوب سے مراد و ہ فریق ہے جسے چاہا جائے، اس عمل میں طالب و مطلوب دونوں کے نام مع والدہ لیے جائیں گے اور ان کے اعداد ابجد قمری سے حاصل کرنا ہوں گے، مثلاً سلیم بن زاہدہ چاہتا ہے کہ اس کی بیوی زکیہ بنت آمنہ اس کی محبت میں بے قرار رہے یا اس کے برعکس زکیہ چاہتی ہے کہ اس کا شوہر سلیم اس سے بے پناہ محبت کرے تو اب دونوں کے ناموں کے اعداد اس طرح لیں گے۔
س ل ی م ز ا ہ د ہ
162=5+4+5+1+7+40+10+30+60
ز ک ی ہ ا م ن ہ
138=5+50+40+1+5+10+20+7
اب طالب کے نام مع والدہ کے اعداد 162 حاصل ہوئے اور مطلوب کے نام کے اعداد 138 برآمد ہوئے، اس کے بعد دو آیات کے اعداد لیے جائیں گے، اول سورہ بقرہ کی آیت نمبر 165 کے اعداد اور دوم سورہ طحہٰ کی آیت نمبر 39 کے اعداد دونوں آیات یہ ہیں۔
والقیت علیک محبة منی ولتصنع علےٰ عینی
یحبونھم کحب اللہ والدین آمنو ا اشد حبا ً لللَّہ
پہلی آیت کے اعداد2123 اور دوسری کے اعداد 1493 ہیں۔ ان کے ساتھ لفظ محبت لیا جائے گا۔”محبت“ کے اعداد 450 ہیں، اب ہمارے پاس اس عمل کی تیاری کے چار اہم جز آگئے۔
1 ۔ طالب کے اعداد 162=
2 ۔ مطلوب کے اعداد 138=
3 ۔ مقصد مطلب کے اعداد 450=
4 ۔ آیات حب کے اعداد 3616=
ہم ان اجزا کی مدد سے ایسا نقش تیار کرسکتے ہیں جو اپنی اثر انگیزی میں بے مثال ہو،ا س کام کے لیے ہم سولہ خانوں کا مربع نقش لیں گے اور اسے اس طرح ترتیب دیں گے کہ وہ نقش اصل میں آیات کے اعداد کا نقش ہو یعنی اس کی چاروں طرف سے میزان 3616 ہی آئے مگر نقش کے اندر طالب و مطلوب اور مطلب کو شامل کردیاجائے اور ان کی اپنی حیثیت قائم رہے، دیکھیے اس کی مثال یہ نقش ہوگا۔

 

 

کسی بھی نقش کی ایک مخصوص چال ہوتی ہے جو اس میں اثر پیدا کرتی ہے چال کا مطلب یہ ہوتا ہے کہ نقش کے خانے کس ترتیب کے ساتھ بھرے جائیں، مندرجہ بالا سولہ خانوں کا نقش مربع دی گئی چال سے مکمل کیا جائے گا اور چال کی مدد سے ہی ہم آپ کو اس نقش کا حساب سمجھائیں گے۔
اس نقش کی مخصوص چال بھی دی جارہی ہے کہ اس کے بغیر نہ تو نقش سمجھ میں آئے گا نہ دوست تیار ہوسکے گا، چال یہ ہے۔

 

 

چال کے نقش میں ایک سے لے کر 16 تک خانوں کی نشان دہی ہورہی ہے، اس چال کے مطابق خانہ نمبر ایک میں مطلوب کا نام مع والدہ ”زکیہ آمنہ“ درج ہے جس کے اعداد 138 ہیں اس میں دو عدد کا اضافہ کرکے خانہ نمبر 2میں 140 لکھا جائے گا پھر مزید دو عدد کا اضافہ کرکے خانہ نمبر تین میں 142 اور پھر خانہ نمبر چار میں 144 بھریں گے، اس طرح چال کا ایک دور پورا ہوا، اب خانہ نمبر 5 میں طالب کے نام مع والدہ کے اعداد 162 لکھیں گے اور پھر دو دو کے اضافہ سے خانہ نمبر 6,7,8 کو بھریں گے، خانہ نمبر 9 مطلب و مقصدسے متعلق ہے اس میں لفظ محبت کے اعداد 450 لکھ کر یا لفظ محبت لکھ کر پھر دو دو عدد کے اضافے سے خانہ نمبر 12,11,10 بھریں گے، اس طرح نقش کے تین دور مکمل ہوگئے چوتھے اور آخری دور میں آیت کے اعداد آئیں گے، اس دور کو مکمل کرنے کے لیے خانہ نمبر 7,4 او ر10 کے اعداد کو جمع کرلیں جو یہ ہیں۔
762=452+166+144
اب آیت کے کل اعداد 3616 میں سے 762 عدد تفریق کردیں تو باقی 2854 بچے یہ اعداد خانہ نمبر 13میں لکھ دیں اور پھر دو دو عدد کا اضافہ کرتے ہوئے خانہ نمبر 16,15,14 کو بھر لیں سمجھ لیں کہ نقش مکمل ہوگیا، اب یہ معلوم کرنے کے لیے کہ نقش درست ہے یا غلط نقش کے دائیں بائیں یا اوپر نیچے کے چار خانوں کے اعداد کو جمع کریں۔ اگر حاصل جمع 3616 آرہا ہے تو نقش درست مرتب ہوا ہے ورنہ غلط ہے، آپ نے کہیں کوئی غلطی کی ہے ،دوبارہ تمام حساب کو چیک کریں اور غلطی کو دور کرکے حساب درست کریں، مثلاً نقش کے پہلے چار خانوں کے اعداد کو ہم چیک کرتے ہیں۔3616=2854+452+166+144 اس طرح تمام خانوں کے اعداد کو جمع کرکے میزان معلوم کی جاسکتی ہے، ہر طرف سے جواب 3616 آنا چاہیے، تب ہی یہ اطمینان ہوگا کہ نقش درست ہے یا غلط، اکثر کتابوں اور رسالوں میں نقش غلط چھپ جاتے ہیں اور علم النقوش سے ناواقف لوگ انہیں نقل کرکے استعمال کرتے ہیں تو نتیجہ کچھ نہیں نکلتا اور ان کا اعتماد بھی ختم ہوجاتا ہے ،کسی بھی نقش کے درست ہونے کی پہچان اسی طرح کی جاسکتی ہے۔
عزیزان من! اس مشکل عمل محبت کو ہم نے جس قدر ممکن ہوسکا مثال کے ذریعے کھول کر بیان کردیا ہے پھر بھی کوئی الجھن محسوس ہو تو ہم سے براہ راست رابطہ کیا جاسکتا ہے،وہ لوگ جو اس عمل کو اپنے مقصد کے موافق حل کرکے درست وقت پر تیار کرلیں گے، ان شاءاللہ نامراد نہیں رہیں گے، البتہ مقصد نیک اور جائز ہونا شرط ہے۔
نقش چاندی کے پترے پر یا ہرن کی جھلی پر یا کاغذ پر لکھا جاسکتا ہے ،نقش کی پشت پر اسمائے ملائکہ و موکلات لکھنا ہوں گے جس کا طریقہ یہ ہے۔
نقش کے کل اعداد 3616 ہیں، ان کے حرف بنائے تو و ی خ ج غ برآمد ہوئے، ان کے ساتھ کلمہ ائیل لگایا تو موکل نقش یہ بنا، یاویخ جغائیل، اگر مریخ کی ساعت میں نقش لکھ رہے ہیں تو مریخ کے ملائکہ و موکلات بھی شامل کریں اور زہرہ کی ساعت ہے تو زہرہ کے ملائکہ و موکلات کے نام لکھیں، مریخ کی ساعت کے لیے سمسائل الاحمر اور زہرہ کے لیے عینیائل زوبعہ ابیض کا نام لکھا جائے گا۔
رجال الغیب کا خیال رکھیں، خوشبو عطر سہاگ (حنا) کی استعمال کریں، صندل کی اگربتی جلائیں، اگر ہرن کی جھلی یا کاغذ پر لکھیں تو زعفران و عرق گلاب سے یا سبز روشنائی سے لکھیں۔
اگر نقش کاغذ پر لکھنا مقصود ہو تو عمدہ قسم کا روغنی کاغذ لیںیا پھر ہرن کی جھلی پر لکھیں ، نقش کی تیاری کے بعد اسے بازو پر باندھیں یا گلے میں پہن لیں، دونوں آیات مبارکہ 70مرتبہ پڑھ کر نقش پر دم کریں، نقش لکھتے ہوئے اپنے محبوب یا مطلوب کا تصور ذہن میں رکھیں، بعد ازاں دونوں آیات اگر3616 بار روزانہ کوئی ایک ٹائم مقرر کرکے پڑھیں اور پڑھنے کے دوران میں مطلوب کا تصور کریں تو مقصد کا حصول مزید آسان ہوجائے گا، اگر اتنی تعداد میں روزانہ پڑھنا ممکن نہ ہو تو 700 مرتبہ پڑھیں،یہ بھی ممکن نہ ہو تو روزانہ 70 مرتبہ پڑھیں اور اپنے مقصد کے لیے دعا کریں، اس دوران میں پابندی سے جمعہ اور منگل کے روز صدقہ دیا کریں۔
نوٹ: جو لوگ خود یہ عمل تیار نہ کرسکیں،وہ براہ راست رابطہ کرسکتے ہیں۔

کس قیامت کے یہ نامے۔۔۔

برجوں کے طلسم کدے کے نت نئے رنگ ڈھنگ کا نظارہ

 ایک طویل عرصہ ہمیں لوگوں کے خطوط اور ان میں بیان کیے گئے مسائل کا جواب دیتے گزرا ہے، پہلے یہ سلسلہ ماہنامہ پاکیزہ میں شروع کیا گیا تھا اور بعد ازاں روزنامہ جرات کراچی میں تقریباً بیس سال تک جاری رہا، اس سے اندازہ کیا جاسکتا ہے کہ اتنے طویل عرصے میں کیسے کیسے خطوط اور ان میں تحریر شدہ کیسے کیسے عجیب و پیچیدہ مسائل ہماری نظر سے نہیں گزرے ہوں گے، اپنی ویب سائٹ پر بھی یہ سلسلہ ہم وقتاً فوقتاً جاری رکھتے ہیں لہٰذا آپ کو بھی اگر کوئی مسئلہ درپیش ہے تو ہمیں بذریعہ خط، ای میل یا واٹس ایپ وغیرہ کے ذریعے آگاہ کریں، آپ کو ان شاءاللہ ضرور جواب دیا جائے گا اور اس حوالے سے کوئی فیس وغیرہ بھی نہیں ہوگی لیکن شرط یہی ہے کہ اپنے تمام کوائف یعنی مکمل نام مع والدہ ،مکمل تاریخ پیدائش ، پیدائش کا وقت اور شہر وغیرہ ضرور لکھیں ، ساتھ ہی تفصیل کے ساتھ اپنا مسئلہ بھی بیان کردیں ، اس حوالے سے آپ کا نام ، پتا یا تاریخ پیدائش وغیرہ صیغہ ءراز میں رہیں گی۔

آئیے اس سلسلے کا پہلا خط ملاحظہ کیجیے ۔
م، ن لاہور سے رقم طراز ہیں”جناب !مسئلہ آپ کے لیے شاید کچھ خاص نہ ہو کیوں کہ ٹین ایج میں جو مسائل ہوتے ہیں آپ ان سے بہ خوبی واقف ہوں گے، میرے ساتھ پہلا مسئلہ تو یہ ہے کہ مجھے خود کلامی کی عادت ہے اور یہ پچھلے تین سالوں سے ہے،اور اب تو اتنی پختہ ہوچکی ہے کہ مجھے لگتا ہے شاید اب میں کبھی بھی نارمل لوگوں کی طرح زندگی نہ گزار سکوں، جب بھی کسی خوشی یا غمی کا موقع آتا ہے تو میں خود سے باتوں میں مصروف ہوکر اپنا ذہن بٹاتی ہوں، ہر وقت دماغ میں کھچڑی پکتی رہتی ہے، میں سارا دن سوچتی رہتی ہوں اور گھر والے میری غائب دماغی کی کیفیت سے بہت پریشان رہتے ہیں، میں ایک وقت میں تین تین باتیں سوچتی رہتی ہوں، کسی کا پتا یاد نہیں رہتا، بازار جاتی ہوں تو چیزیں بھول جاتی ہوں، غرض میں آپ کو بتا نہیں سکتی کہ میری پوری لائف اپ سیٹ ہوکر رہ گئی ہے، دوسری بری عادت یہ ہے کہ میں نیند میں بولنے کی عادی ہوں جس کی وجہ سے میں کسی رشتے دار کے گھر جاکر نہیں رہ سکتی، اگر مجبوراً رہنا پڑتا ہے تو پھر میرا مذاق بنتا ہے، بعض اوقات نیند میں میری چیخیں بھی نکل جاتی ہیں ، شاید ساری رات میرے ذہن میں کوئی فلم سی چلتی رہتی ہے،صبح جب سوکر اٹھتی ہوں تو بجائے فریش ہونے کے مجھے یوں محسوس ہوتا ہے جیسے میں ساری رات کوئی سخت محنت اور مشقت کا کام کرتی رہی ہو ں اور پٹھے اور گردن میں زبردست قسم کا کھنچاو ہوتا ہے۔
”ہمارے گھر کا ماحول شروع ہی سے بڑا ایب نارمل رہا ہے، میرے والدین اپنے والدین کی طرف سے بہت دباو کا شکار تھے، میری والدہ شادی کے بعد سے سسرالیوں کے ناقابل برداشت دکھ اور زیادتیاں برداشت کرتی رہیں، ان کے ہاں اوپر تلے کئی لڑکیاں پیدا ہوئیں پھر والدہ بیمار رہنے لگیں، انھوں نے ہماری تربیت خاصی سختی کے ساتھ کی، ہر وقت ڈانٹ ڈپٹ، تانوں تشعنوں اور مار کٹائی والد یا والدہ دونوں اپنا غصہ ہم پر ہی نکالتے تھے، میری والدہ کا رویہ کچھ ایسا ہے جیسے ہم ان کی گونگی رعایہ ہوں، ایک بار میں باغیانہ سوچ کے ساتھ گھر سے نکل گئی اور اپنے ماموں کے گھر چلے گئی، اس کی لعن طعن بھی ابھی تک سنتی ہوں، قصہ مختصر یہ کہ آج تک گھر میں جو ٹینشن رہتی ہے، اس سے نجات ممکن نہیں ہے، اب میں نے ہر قسم کی مزاحمت ترک کرکے اپنے حالات سے سمجھوتا کرلیا ہے، اس عرصے میں دو تین مرتبہ کافی مقدار میں دوائیں کھاکر اپنے آپ کو ختم کرنے کی کوشش کرچکی ہوں مگر مجھے لگتا ہے کہ میں بہ ظاہر تو زندہ ہوں مگر یہ دوائیاں کھانے سے میرے اندر کا سارا نظام ختم ہوچکا ہے،کئی تکلیفات یا بیماریاں میری پریشانی کا باعث ہیں جن کی وجہ سے بھی میں بہت پریشان ہوں ، آپ کوئی ہومیو پیتھک دوا بھی ضرور بتائیے گا۔
”میرے مسائل تو شاید کبھی ختم نہ ہوں، اگر میں والدین کے گھر میں رہوں، شاید میری شادی ہوجائے اور میں اس گھر سے دور چلی جاوں تو ممکن ہے کوئی اچھائی میری زندگی میں آسکے، اس حوالے سے دورشتے موجود ہیں اور آپ سے اس سلسلے میں مشورہ چاہتی ہوں، ایک میرے ماموںکا بیٹا ہے اور دوسرا میری خالہ زاد بہن کا بیٹا ہے جس کے لیے میں دل و جان سے راضی ہوں لیکن میرے ماں باپ اس رشتے کے لیے راضی نہیں ہیں، وہ میری شادی ماموں کے بیٹے سے کرنا چاہتے ہیں ، میں دونوں کی تاریخ پیدائش اور اپنی تاریخ پیدائش بھی لکھ رہی ہوں ، آپ بتائیں دونوں میں سے کون میرے لیے بہتر ساتھی ثابت ہوسکتا ہے“
جواب: عزیزم! سب سے بڑا مسئلہ یہ ہے کہ آپ بہت حساس اور بہت زیادہ جذباتی ہیں، اس کے ساتھ ہی آپ کی انا بھی بہت بلند ہے، غصہ آپ کو ایک دم اور بہت شدید آتا ہے اور شدید غصے کے عالم میں پھر کچھ آپ کی سمجھ میں نہیں آتا، آپ کی تمام ذہنی و جسمانی بیماریوں میں یہ سب سے اہم وجوہات ہیں، ان کا علاج ناممکن نہیں ہے لیکن جیسا کہ آپ نے لکھا ہے کہ کم از کم اس مسائل زدہ گھر میں ممکن نہیں ہے، جلد ازجلد آپ کی مناسب جگہ شادی ہوجائے اور معقول شریک حیات مل جائے تو امید رکھی جاسکتی ہے کہ صورت حال میں بہتری آسکتی ہے۔
آپ کا شمسی برج اسد ہے اسی لیے مزاج میں انا ، خود پسندی اور بہتر زندگی کی خواہش شدید ہے جب کہ پیدائشی برج حوت ہے جو بہت زیادہ حساس اور جذباتی بناتا ہے، ہماری ویب سائٹ پر اگر آپ تلاش کریں تو طالع برج حوت کے تحت پیدا ہونے والی خواتین کے بارے میں ضروری معلومات موجود ہیں، اسے ضرور پڑھ لیں، مسئلہ یہ ہے کہ ہبوط خواتین کو اگر بہتر شریک حیات اور ان کا بہت زیادہ خیال رکھنا والا نہ ملے تو وہ شادی کے بعد بھی پریشان رہتی ہے، آپ تو اپنے والدین اور بہن بھائیوں کے ساتھ بھی گزارا نہیں کرسکیں، کسی دوسری فیملی میں ایک اجنبی شخص کے ساتھ کیسے گزارا کریں گی، آپ نے جو دو لڑکوں کی تاریخ پیدائش لکھی ہے،آپ کے ماموں کا بیٹا آپ کے لیے یقینا موزوں نہیں ہے، البتہ دوسرا لڑکا مناسب ہے، کوشش کریں کہ اس سے شادی ہوجائے۔
آپ کو جو بہت ساری اعصابی اور جسمانی بیماریاں لاحق ہیں، ان کے معقول علاج کے لیے تو کسی قریبی ہومیو پیتھک ڈاکٹر سے رجوع کرنا بہتر ہے، آپ نے جو میڈیسن غلط طریقے سے استعمال کی ہیں اور جن کے نتیجے میں بہت سی خرابیاں پیدا ہوچکی ہیں اس کے اثرات کو اینٹی ڈوٹ کرنے کے لیے ایک دوا کا نام ہم لکھ رہے ہیں ، اوپیم 200 ، اس دوا کی صرف دو خوراکیں صبح و شام لیں اور مزید کوئی دوا نہ لیں، اعصابی معاملات کی درستی کے لیے ایک بائیو کیمک کمبی نیشن شعابے جرمنی کا باآسانی کسی بھی بڑے اسٹور سے مل جائے گا، اس کا نام بائیوپی16 ہے،اس کی چار ٹکیاں دن میں تین چار مرتبہ چوس لیا کریں۔
آپ کی شادی کا امکان جلد نظر نہیں آتا، زائچے میں شادی کا دور فروری 2023 ءسے شروع ہوگا، اس کے بعد ہی شادی ہونے کا امکان ہوگا کیوں کہ زائچے کا سب سے اہم سیارہ مریخ ہے اور وہ بری طرح متاثرہ ہے لہٰذا آپ کو کم سے کم پانچ کیرٹ وزن میں مرجان کا نگینہ بھی دائیں ہاتھ کی رنگ فنگر میں ضرور پہننا چاہیے، اپنا صدقہ ہفتہ، اتوار اور جمعہ کے روز دیا کریں، ہفتے کے روز بوڑھے یا معذور افراد کی مدد کیا کریں، اتوار کو گندم یا چنے کی دال کا صدقہ دیا کریں اور جمعہ کو سفید رنگ کی چیزوں کا صدقہ دیں، چاول، سفید ماش کی دال، دودھ، انڈے وغیرہ ، آپ کے لیے اسم اعظم بھی ہم نے نکال دیا ہے، اسے پابندی سے اپنے ورد میں رکھیں، نیا چاند ہونے کے بعد جو پہلا جمعہ آئے اس دن سے شروع کریں، 440 بار روزانہ اول آخر تین بار درود شریف کے ساتھ۔

یا اللہ العلی الطیف الطالب

رشتہ کیسا ہے؟

ایس، کے، راولپنڈی سے لکھتی ہیں ” میرا ایک رشتہ آیا ہوا ہے لیکن وہ میرے لےے اجنبی نہیں ہے ، میرے ساتھ یونی ورسٹی میں پڑھتے رہے ہیں ، اچھی جگہ جاب کرتے ہیں میں بھی جاب کر رہی ہوں ، میں اپنی اور ان کی تاریخ پیدائش لکھ رہی ہوں ، برائے مہربانی آپ مجھے تفصیلی جواب دیں کہ ہماری شادی کامیاب رہے گی یا نہیں اور ہم دونوں کے لےے مستقبل کے کیا امکانات ہیں ؟ “
جواب: آپ کے لےے یہ رشتہ بہت مبارک ہے ، دونوں کے درمیان اچھی انڈر اسٹینڈنگ رہے گی ، آپ کا شمسی برج حمل اور فریق ثانی کا جوزا ہے دونوں بروج کے درمیان باہمی افہام و تفہیم موجود ہے ، بے شک آپ حمل ہونے کی وجہ سے ڈومینیٹنگ مزاج رکھتی ہیں اور کوشش کریں گی کہ اپنی بات منوائیں لیکن برج جوزا غیر معمولی ذہانت کا مظاہرہ کرکے صورت ِ حال کو سنبھال لے گا ، وہ آپ کے مقابلے میں زیادہ ہوشیار اور ایڈجسٹ کرنے کی صلاحیت رکھتا ہے ، موقع محل دیکھ کر بات کرتا ہے اور ضرورت پڑے تو چالاکی کا مظاہرہ بھی کرسکتا ہے ، یعنی آپ کو بے وقوف بنا سکتا ہے ، آپ کا قمری برج جدی ہے یہ ایک اور حاکمیت پسندانہ مسئلہ ہے ، آپ میں شک کا عنصر بھی زیادہ ہے ، آسانی سے مطمئن نہیں ہوسکتیں اور ہر معاملے میں بہت زیادہ تفتیش شروع کردیتی ہیں ،اس صورت حال کو بھی وہ برداشت کرلے گا کیونکہ اس کا قمری برج سرطان ہے اور بنیادی طورپر وہ ایک گھریلو فطرت رکھنے والا انسان ہے ، اپنے خاندان اور فیملی سے اسے بہت زیادہ لگاﺅ ہے ، اس کی کوشش یہی رہے گی کہ ہر صورت میں گھر بنا رہے ، فیملی کی ضروریات پوری ہوتی رہیں اور آپ کو شکایت کا کوئی موقع نہ ملے ، البتہ آپ کو ایک معاملے میں بہت محتاط رہنا ہوگا جو شاید آپ نہ رہ سکیں وہ یہ کہ اس کی ماں اور خاندان کے دیگر افراد کے بارے میں سخت رویہ اور خراب زبان کبھی استعمال نہ کریں ، یہ اس سے برداشت نہیں ہوگا اور اس کے دل میں آپ کی طرف سے میل آجائے گا جو ممکن ہے کسی مرحلے پر نفرت انگیز ہوجائے ، دراصل آپ کا ایک مسئلہ یہ بھی ہے کہ آپ کافی منہ پھٹ ہیں اور سچائی پسند بھی ہیں لہٰذا بات چیت کرتے ہوئے مصلحت کو نظر انداز کرسکتی ہیں ، اس کی ماں بہن بھائیوں کے بارے میں کوئی ایسی بات کہہ سکتی ہیں جو اگرچہ حقیقت ہوگی اور سچائی پر مبنی ہوگی مگر اس کے لےے ناقابل برداشت ہوسکتی ہے ، لہٰذا ہمارا مشورہ ہے کہ اس حوالے سے ہمیشہ محتاط رہیں تب ہی آپ اس کے دل میں اپنی محبت کو قائم رکھ سکیں گی ، امید ہے کہ اس قدر تفصیل کافی ہوگی ، باقی آپ دونوں کے زائچے مضبوط ہیں اور دونوں زندگی میں آنے والے دیگر مسائل سے نمٹنے کی عمدہ صلاحیت رکھتے ہیں لہٰذا شادی اور ازدواجی زندگی کامیاب رہے گی۔

معاشی تنگی

ایم،آر ملتان سے لکھتے ہیں ” زندگی کے معاملات یعنی معاشی تنگی بہت زیادہ ہے ، دوسروں کے خرچ پر میں اور میرے بچے پل رہے ہیں ، میں نے سول انجینئرنگ کیا ہوا ہے لیکن نوکری نہیں مل سکی ، میں پڑھنے لکھنے میں کافی ہوشیار رہا لیکن عملی زندگی میں ناکام ہوں ۔ میرے تمام دوست بڑی بڑی پوسٹوں پر ہیں لیکن مجھ سے نہیں ملتے اگر آپ کوئی انسانی ہمدردی کے ناطے مدد کرسکیں تو میں آپ کا مشکور رہوں گا ، کوئی مفید مشورہ ستاروں کی روشنی میں وغیرہ ۔“
جواب: عزیزم! ایک کہاوت مشہور ہے کہ اگر کوئی کچھ کرنا چاہتا ہے تو اسے کوئی نہیں روک سکتا اور اگر کوئی کچھ کرنا ہی نہیں چاہتا تو اس سے کوئی بھی کچھ نہیں کراسکتا ۔ کچھ ایسا ہی معاملہ آپ کا بھی ہے ۔ آپ کی تاریخ پیدائش 17 اگست درست معلوم ہوتی ہے ، یعنی آپ کا شمسی برج اسد اور قمری برج قوس ہے ۔
ایسا معلوم ہوتا ہے کہ آپ صرف اپنی پسند اور مرضی کا کام کرنا چاہتے ہیں ۔ اگر پسند و مرضی کا کام نہ ملے تو آپ کام نہیں کریں گے اور بے کار بیٹھ کر زندگی گزار دیں گے ، جیسے کہ گزار رہے ہیں ۔ آپ نے اپنے تعلیمی زمانے کے کارنامے لکھے ہیں لیکن تعلیم سے فارغ ہونے کے بعد شادی کرنے اور بچے پیدا کرنے کے علاوہ کوئی کارنامہ انجام نہیں دیا ۔ ضروری تو نہیں ہے کہ آپ نے سول انجینئرنگ کی سند حاصل کی ہے تو اب آپ کو سول انجینئر ہی بنایا جائے ، روٹی کمانے کے اور بھی طریقے ہیں اگر بیوی بچوں اور اپنی عزت نفس کا احساس ہو تو انسان ضرورت پڑنے پر کوئی کام بھی کرلیتا ہے ۔ آپ کو دیگر شعبوں میں قسمت آزمائی کرنا چاہئے تھی ۔ لوگ تو روزگار کی خاطر اپنا شہر اور ملک تک چھوڑنے کو تیار ہوجاتے ہیں مگر ایسا معلوم ہوتا ہے کہ آپ کو 2 وقت کی روٹی آرام سے مل جاتی ہے اور بیوی بچوں کی ضرورتیں بھی کسی نہ کسی طرح پوری ہوجاتی ہیں اسی لئے آپ آرام سے بیٹھے ہیں اور اپنی پسندیدہ مصروفیات میں وقت گزار رہے ہیں اور شاید اسی طرح وقت گزارتے رہیں گے ۔ آپ کو چاہئے کہ اپنی سوچ میں تبدیلی کریں اور خود کو تھوڑا سا عملی انسان بنائیں ۔ آپ کے معاملات میں ساری خرابیاں بے عملی کی وجہ سے ہیں ۔ آپ خوابوں کی دنیا میں زندگی گزار رہے ہیں ۔ خوابوں کی تعبیر بھی اسی وقت ملتی ہے جب انسان عمل پر زور دے ۔
برج اسد کے تحت پیدا ہونے والے افراد کی زندگی میں کم تر درجے کی چیزو ں کے لیے کوئی گنجائش نہیں ہوتی، وہ چوں کہ بہت زیادہ اونچے خیالات رکھتے ہیں، لہٰذا جاب یا بزنس کے معاملے میں بھی ان کے خواب بہت اونچے ہوتے ہیں، چھوٹی موٹی ملازمت ان کی نظر میں اہمیت نہیں رکھتی، دوسری طرف آپ کا قمری برج قوس ہے ، یہ فلسفیانہ سوچ دیتا ہے لہٰذا آپ کی زندگی میں مختلف فلسفے موجود ہیں بلکہ ہر مسئلے کے حوالے سے کوئی نہ کوئی فلسفہ موجود ہے اور آپ اپنے فلسفے اور نظریات پر کوئی کمپرومائز کرنا پسند نہیں کرتے، اصل میں آپ کے زائچے میں ایک ایسی خرابی موجود ہے جس میں آپ کی سائیکی کو بگاڑ دیا ہے، آپ کا قمر راہو کیتو سے متاثرہ ہے، ہمارا مشورہ یہ ہے کہ سچا موتی یا مون اسٹون کا نگینہ آپ کو پہننا چاہیے، اس کے علاوہ ہفتہ اور منگل کے روز صدقہ بھی پابندی سے دینا چاہیے۔

سیارہ زحل کے حوالے سے گمراہ کن اور غلط نظریات

لوح زحل کی تیاری کا ایک نادر موقع، باقوت اوقات کی نشان دہی

سیارہ زحل ایک سست رفتار سیارہ ہے، ایک برج میں اس کا قیام تقریباً ڈھائی سال رہتا ہے، دائرئہ بروج کا ایک چکر یہ تیس سال میں مکمل کرتا ہے، زحل کا تعلق مزدور طبقے سے ہے، محنت، مشقت کرنے والے افراد کا سیارہ زحل ہے، یہ وہی لوگ ہیں جو مسلسل محنت کرکے زندگی میں اپنا کوئی مقام بناتے ہیں، زحل کا تعلق پائیداری اور استحکام سے ہے لیکن یہ ضرور ہے کہ اپنی سست رفتاری کی وجہ سے سیارہ زحل کے مثبت نتائج تاخیر کا شکار ہوتے ہیں۔

برج جدی اور دلو کا تعلق سیارہ زحل سے ہے، چناں چہ یہ لوگ بھی مسلسل محنت اور جدوجہد کے بعد ہی کسی بلند مقام کے حصول میں کامیاب ہوتے ہیں، ان میں مستقل مزاجی ، صبروبرداشت دوسرے افراد سے زیادہ ہوتی ہے، برج جدی اپنی ماہیت میں منقلب اور عنصر کے اعتبار سے خاکی برج ہے، گویا مادّیت اور عملیت اس کا طرئہ امتیاز ہے، جدی افراد بے مقصد اور فضول کاموں میں وقت ضائع کرنا پسند نہیں کرتے، وہ اپنی منزل کی طرف آہستہ روی سے قدم بہ قدم آگے اور آگے بڑھتے رہتے ہیں، راہ میں آنے والی مشکلات اور دشواریاں انھیں پریشان کرتی ہیں لیکن وہ ان سے نہیں گھبراتے۔

 برج دلو اپنی ماہیت میں ثابت (Fixed) اور عنصر کے اعتبار سے ہوائی برج ہے، یہ لوگ خدمت خلق کے جذبے سے سرشار اور انوکھی یا عجیب باتوں اور چیزوں کے رسیا ہوتے ہیں،جدت پسندی ، نیا پن انھیں مرغوب ہے، یہ روایتی طور طریقے اختیار نہیں کرتے بلکہ روایت کے خلاف جانا پسند کرتے ہیں، ہوائی برج ہونے کی وجہ سے ان کے خیالات اور آئیڈیاز بہت دور دراز کے ہوتے ہیں لیکن ان کی اہمیت سے انکار نہیں کیاجاسکتا، انھیں آزادی بہت عزیز ہے لہٰذا عام طور پر پابندیوں سے بے زار رہتے ہیں، جدی اور دلو دونوں کا حاکم سیارہ زحل ہے لیکن دونوں برج اپنے مزاج اور فطرت میں ایک دوسرے سے مختلف ہیں۔

سیارہ زحل کو اپنے برج جدی یا دلو میں عروج حاصل ہوتا ہے، برج قوس میں اوج کی قوت ملتی ہے جب کہ برج میزان میں اسے شرف ہوتا ہے جو زحل کی سب سے زیادہ طاقت ور پوزیشن ہے، برج حمل میں اسے ہبوط ہوتا ہے جو ایک بدترین پوزیشن ہے ،سیارہ شمس 25جنوری 2020 ءسے اپنے ذاتی برج جدی میں عروج کی حالت میں ہے لیکن گزشتہ دو سالوں میں یہ راہو کیتو کی قربت یا نظر کے سبب مسلسل متاثرہ پوزیشن میں رہا، اس سال اسے راہو کیتو کی نحوست سے نجات مل گئی ہے لہٰذا زحل کی بھرپور قوت سے اکثر لوگ فائدہ اٹھائیں گے جب کہ بعض افراد کے لیے اس کی پوزیشن نقصان دہ بھی ہوسکتی ہے، اس کا انحصار کسی بھی شخص کے انفرادی زائچے کے مطابق ہی ہوگا۔

زحل کی ساڑھ ستی

زحل کے حوالے سے اگر کوئی بات سب سے زیادہ مشہور ہے تو وہ سیارہ زحل کی ساڑھ ستی ہے، اس کے علاوہ ڈھیّایا آٹھویں گھر کی پوزیشن بھی منحوس اثرات کی حامل سمجھی جاتی ہے، زحل کی یہ شہرت ہمارے پاکستانی اکثر منجمین اور بھارتی کلاسیکل ویدک سسٹم کے ماہرین کے غلط اور گمراہ کن نظریات کی وجہ سے ہے، اکثر منجمین کا علم نجوم زحل کی ساڑھ ستی سے شروع ہوکر زحل کی ساڑھ ستی ہی پر ختم ہوجاتا ہے، ان کے پاس اپنے مسائل کے لیے آنے والے ہر شخص کے لیے ایک ہی فتویٰ ہوتاہے، زحل کی ساڑھ ستی، چناں چہ ملک کا ہر شخص جو علم نجوم سے تھوڑی بہت بھی دلچسپی رکھتا ہے ، ساڑھ ستی کے خوف میں مبتلا رہتا ہے،اکثر لوگ ہمیں فون کرکے اطلاع دیتے ہیں کہ وہ زحل کی ساڑھ ستی کا شکار ہیں، اس سے نجات کا کوئی طریقہ بتائیں لیکن جب ہم ان کا زائچہ دیکھتے ہیں اور انھیں یہ بتاتے ہیں کہ آپ ان لوگوں میں سے ہیں جن کو کبھی بھی زحل کی ساڑھ ستی لگ ہی نہیں سکتی تو وہ حیران ہوتے ہیں۔

عزیزان من! ساڑھ ستی کا لفظ خالص ویدک سسٹم سے آیا ہے، یونانی سسٹم میں ساڑھ ستی کا کوئی تصور نہیں ہے لیکن ہمارے اکثر منجمین جو ویدک سسٹم سے کام لے رہے ہوں یا یونانی سے ساڑھ ستی کا فتویٰ دینے سے گریز نہیں کرتے، اس کی وجہ ان کی کم علمی اور جہالت ہے، مزید یہ کہ قدیم ویدک سسٹم میں بھی ساڑھ ستی کا نظریہ جنم راشی (قمری برج) سے ہے یعنی سیارہ زحل اگر قمری برج سے بارھویں ، پہلے اور دوسرے گھر سے گزرے تو ساڑھ ستی کی نحوست تسلیم کی جاتی ہے مگر ہمارے ہاں یونانی سسٹم کو فالو کرنے والے منجمین سیارہ شمس یا طالع پیدائش سے بھی ساڑھ ستی کا فتویٰ دینے سے گریز نہیں کرتے کیوں کہ کسی بھی شخص کے اصل مسائل سمجھنے اور اس کے زائچے کا تجزیہ کرنے کی وہ صلاحیت ہی نہیں رکھتے لہٰذا ساڑھ ستی کے ٹوٹکے پر ہر شخص کو ہانکتے رہتے ہیں، آئیے ہم آپ کو بتائیں اصولی طور پر جدید ویدک سسٹم میں بھی ساڑھ ستی کے لیے کون سے اصول مقرر ہیں۔

سب سے پہلے یہ دیکھنا ضروری ہے کہ صاحب زائچہ کا طالع برج کون سا ہے ، طالع برج سے مراد وہ برج ہے جو اس کی پیدائش کے وقت پر طلوع تھا نہ کہ شمسی برج جو صرف تاریخ پیدائش سے معلوم ہوتا ہے، اب بنیادی اصول یہ ہے کہ بارہ طالع بروج کے لیے سیارہ زحل کی پوزیشن جداگانہ ہیں، صرف تین برج ایسے ہیں جن کے لیے سیارہ زحل فعلی منحوس سیارے کا کردار ادا کرتا ہے، باقی 9 برجوں کے لیے وہ فعلی سعد سیارہ ہے، سعد ہونے کی بنیاد پر وہ کسی صورت میں بھی ان کے لیے نحوست ، مصیبت یا کسی بھی پریشانی کا باعث کیسے ہوسکتا ہے؟

بارہ برجوں میں زحل کا کردار

طالع پیدائش برج حمل کے تحت سیارہ زحل زائچے کے دسویں اور گیارھویں گھر کا حاکم ہے جو انتہائی سعد گھر ہیں، دونوں گھروں کا تعلق کرئر ، پیشہ ورانہ معاملات، کاروباری منافع، زندگی میں حاصل ہونے والے فوائد سے ہے لہٰذا کبھی بھی خواہ کوئی بھی صورت ہو ، یہ لوگ زحل کی ساڑھ ستی کا شکار نہیں ہوسکتے۔

طالع برج ثور کے تحت سیارہ زحل نویں اور دسویں گھر کا مالک ہے، نواں گھر قسمت، باپ، مذہب، آئین و قانون سے متعلق ہے جب کہ دسواں گھر کرئر سے،سیارہ زحل ہر گز طالع برج ثور کے لیے کبھی نحس اثر نہیں دے گا اور ان لوگوں کو کبھی ساڑھ ستی کا سامنا نہیں ہوگا۔

طالع برج جوزا کے تحت سیارہ زحل زائچے کے آٹھویں اور نویں گھر کا حاکم ہے،آٹھواں گھر برج جدی زحل کا ذیلی برج ہے جب کہ نواں گھر دلو مول ترکون برج ہے، آٹھویں گھر پر برج جدی کی کوئی اہمیت نہیں ہے، اصل اہمیت طالع جوزا کے لیے برج دلو کی ہے جس کا تعلق اس کی قسمت سے ہے لہٰذا جوزا والوں پر بھی کسی ساڑھ ستی کا کوئی سوال پیدا نہیں ہوتا۔

طالع برج سرطان کے تحت سیارہ زحل ساتویں اور آٹھویں گھر کامالک ہے، اس صورت میں زحل کا مول ترکون برج آٹھواںنحوست آثار ہے، بلاشبہ زحل طالع سرطان والوں کے لیے سب سے زیادہ منحوس اثر رکھنے والا سیارہ ہے، یہ زائچے کے جس گھر میں بھی جائے گا کسی نہ کسی پریشانی کا سبب بنے گا اور جب قمری برج سے بارھویں ، پہلے اور دوسرے گھر میں آئے گا تو ساڑھ ستی کا سبب ہوگا، دائرئہ بروج کا یہ پہلا برج ہے جو زحل کی ساڑھ ستی کا شکار ہوتا ہے لیکن عام طور پر ایسا زندگی میں ایک یا دو بار ہی ہوگا۔

طالع برج اسد کے تحت سیارہ زحل آٹھویں اور چھٹے گھر کا حاکم ہے،یہاں بھی چھٹا گھر ذیلی ہے اور آٹھواں گھر مول ترکون برج ہے لہٰذا برج اسد والوں کے لیے زحل ایک سعد اثر رکھنے والا سیارہ ہے، ان لوگوں پر کبھی ساڑھ ستی نہیں لگے گی۔

طالع برج سنبلہ کے تحت سیارہ زحل زائچے کے چھٹے گھر اور پانچویں گھر کا حاکم ہے، چھٹے گھر پر زحل کا مول ترکون برج ہے لہٰذا سنبلہ والوں کے لیے سیارہ زحل فعلی منحوس سیارہ بن جاتا ہے اور جب بھی کسی دوسرے گھر سے گزرتا ہے، مصائب و مشکلات لاتا ہے،قمر سے بارھویں ، پہلے اور دوسرے گھر میں ساڑھ ستی کا اثر دیتا ہے۔

طالع میزان کے تحت سیارہ زحل چوتھے اور پانچویں گھر کا حاکم ہے،یہ صورت حال برج میزان والوں کو سعد اثر دیتی ہے، زحل ان کے زائچے میں ”یوگ کارک“یعنی زائچے کا سب سے مبارک سیارہ ہے،مزید یہ کہ برج میزان ہی میں اسے شرف کی قوت حاصل ہوتی ہے لہٰذا میزانی افراد بھی کبھی کسی ساڑھ ستی کا شکار نہیں ہوتے۔

طالع برج عقرب کے تحت سیارہ زحل زائچے کے تیسرے ، چوتھے گھر کا حاکم ہے اور سعد اثر رکھتا ہے، ان لوگوں پر بھی کبھی ساڑھ ستی کا اصول لاگو نہیں ہوتا۔

طالع برج قوس کے تحت سیارہ زحل زائچے کے دوسرے اورتیسرے گھر کا حاکم ہے اور سعد اثر رکھتا ہے، ان پر بھی ساڑھ ستی نہیں لگتی۔

طالع برج جدی اور دلو کے تحت سیارہ زحل ان کا حاکم سیارہ ہے، گویا ان کا ذاتی سیارہ ہے، وہ کیسے ان کے خلاف نحوست کا اثر دے سکتا ہے، یہ بھی کبھی زحل کی ساڑھ ستی کا شکار نہیں ہوتے۔

طالع برج حوت کے تحت سیارہ زحل زائچے کے گیارھویں اور بارھویں گھر کا حاکم ہے، بارھویں گھر میں اس کا مول ترکون برج دلو ہے لہٰذا حوت افراد کے لیے سیارہ زحل یقینا ایک فعلی منحوس سیارہ بن جاتا ہے اور یہ لوگ بھی زحل کی ساڑھ ستی کا شکار ہوسکتے ہیں۔

یہ طویل تجزیہ اور تفصیل دینے کا مقصد یہی ہے کہ عام لوگ جو عطائی قسم کے منجمین کی باتوں میں آکر خوف زدہ اور پریشان ہوتے ہیں،حقیقت حال سے آگاہ ہوسکیں اور سمجھ لیں کہ صرف تین برج ایسے ہیں جو سیارہ زحل کی ساڑھ ستی کا شکار ہوسکتے ہیں، اول برج سرطان، دوم سنبلہ اور سوم برج حوت، اس کے علاوہ باقی کوئی برج زحل کی ساڑھ ستی کا شکار نہیں ہوتا بلکہ زحل ان کی زندگی میں مثبت کردار ادا کرتا ہے، یہ الگ بات ہے کہ ان کے زائچہ پیدائش میں سیارہ زحل کسی دوسرے منحوس سیارے سے متاثر ہورہا ہو، خاص طور پر راہو کیتو سے یا پھر زائچے کے چھ، آٹھ، بارہ گھروں میں ہو، جیسا کہ آج کل برج دلو والوں کی پوزیشن ہے، اس کے علاوہ زحل کی سعادت ہر برج کو اس کی پوزیشن کے مطابق ضرور حاصل رہتی ہے۔

لوح زحل

سیارہ زحل کی خراب پوزیشن یا پیدائش کے زائچے میں زحل کی خرابی مثلاً وہ برج ہبوط میں ہو یا زائچے ہی میں دوسرے منحوس سیاروں سے متاثر ہو تو زندگی میں خرابیاں ، کمزوریاں وغیرہ پیدا ہوتی ہیں، اس کے علاوہ چوں کہ زحل کا کام استحکام اور مضبوطی دینا ہے ، مزاج میں ، فطرت میں، مالی معاملات میں، ازدواجی زندگی میں اس مقصد کے تحت لوح زحل تیار کی جاتی ہے اور کسی ایسے وقت میں جب زحل باقوت پوزیشن میں ہو یا زحل شرف یافتہ ہو، اس لوح کو پاس رکھنے سے پیدائشی زائچے میں زحل کی کمزوری یا دیگر خرابیاں دور ہوتی ہیں۔

وہ لوگ جو کسی بھی سیارے کی خرابی یا نحوست کا شکار ہوں ان کے لیے ایک خصوصی دعا بھی یہاں دی جارہی ہے جسے ورد میں رکھنا فائدہ بخش اور نحوست سیارگان سے نجات کا باعث بنتا ہے، دعا یہ ہے ۔

دعائے رد نحوست سیارگان

ِبسمِ اللّٰہِ الاعظمُ الَّذِی لایَضُّر مَعَ السِمُہ شَئیً فِی الَارضِ وَلَا فِی السَّمَاءوَ ھُوَا السَّمِیعُ العَلیمُ۔ یَا اللّٰہ یَا رَحمٰنُ یَا رَحِیمُ یَا نَاصِرُ یَا مُعِینُ یَا فتَّاحُ یَا رَزَّاقُ یَا مَالِکِ یَومِ الدِّین۔ اَللّٰھُم اَحفِظنِی مِن نَحُوسَتِ الزَّحُلِ وَالمُشتَری وَالمِرِیخ وَالشَّمسِ وَالقَمَرِ وَالعَطارَدِ والزَّھرَہ وَالذَنبِ وَالِرَاسِ وَالَاکلیلُ وَالِکَبدِمِن بِرِیعَتِ اَجمَعِینَ وَمِن نَحُوسَتِ الاَسمَائِ وَمِن شَرِّالاٰشرار ومَنِ شَرِّالکُفَّار وَمِن شَرِّ الشَّیاطِینَ بِحَقِ کٓھٰیٰعٓصٓ وٓ بِحَقِ حٰمٓعٓسٓقٓ۔یَاحیّ یَا قَیّومُ یَا عَلِی یَا عَظِیمُ یَا کَافِی یَا غَنِی یَا کَبِیرُ یا مُتَعَالُ یَا مَالِکُ یَا قُدّوسُ یَالَم یَلِد وَلَم یُولَدوَلَم یَکُن لَہُ کُفُواً اَحَد۔

اس دعا کو روزانہ 3,5,7,11 مرتبہ پڑھ کر دعا کرنی چاہیے، وہ لوگ جو وقت کی سختی کا بری طرح شکار ہوں اور وہ سختی کسی بھی سیاروی نحوست کا سبب ہو، انھیں اس کو اپنے نام مع والدہ کے اعداد نکال کر ان کے مطابق پڑھنا چاہیے تو ان شاءاللہ وقت کی سختی سے یقینا نجات ملے گی۔

لوح زحل برائے استحکام 

اکثر لوگ یہ شکایت کرتے نظر آتے ہیں کہ ان کی زندگی میں استحکام نہیں ہے، کاروباری یا دیگر معاملات اکثر اتار چڑھاو¿ کا شکار رہتے ہیں، ملازمت ہو یا کاروبار ، کسی معاملے میں بھی استحکام حاصل نہیں ہوتا، اسی طرح اکثر لوگوں کی ازدواجی زندگی میں بھی ایسے مسائل پیدا ہوتے رہتے ہیں جو ان کے لیے پریشانی کا باعث بنتے ہیں اور خاص طور سے خواتین طلاق کے خوف میں مبتلا رہتی ہیں، اسی طرح کسی جائیداد، زمین وغیرہ کے ہاتھ سے نکلنے یا کسی اچھی جاب کے ختم ہونے کا خدشہ پریشانی اور فکر مندی کا باعث بنتا ہے، ایسے لوگوں کے لیے لوح استحکام سیارہ زحل کے سعد اوقات میں تیار کی جاتی ہے۔

اللہ تعالی کے مبارک اسماءالحسنیٰ میں سے 6 اسمائے الٰہی ایسے ہیں جو سیارہ زحل کی سختی کا بھی خاتمہ کرتے ہیں اور زندگی کے تمام امور میں پائیداری اور استحکام لاتے ہیں جو یہ ہیں۔

ُھوَا اللّٰہُ الرّحمٰنُ الرّحِیمُ المَلِکُ القُدّوسُ

ان اسمائے الٰہی کے کل اعداد 1017 ہےں لہٰذا اس تعداد میں روزانہ پڑھ کر دعا کی جائے تو یقینا زندگی کے ہر معاملے میں استحکام پیدا ہوگا اور اسمائے الٰہی کی برکت سے مزید حصول سعادت حاصل ہوگا۔

اسمائے الٰہی یا فتاح ُ الرزاق کا تعلق سیارہ زحل سے ہے، اس کی لوح زحل سے ہے، اس کی لوح مبارک اپنی مثال آپ ہے، بے شک اس کی تیاری آسان نہیں ہے لیکن سیسہ نرم دھات ہے،سیسے کی تختی پر کسی بھی نوک دار چیز سے با آسانی یہ لوح کندہ کی جاسکتی ہے، عام افراد کی سہولت کے لیے ہم مکمل لوح یہاں دے رہے ہیں ، مقررہ وقت پر باوضو بیٹھ کر اسے کندہ کرلیں اور سمجھ لیں کہ ایک بیش قیمت تحفہ آپ نے حاصل کرلیا ہے جو زندگی میں ہمیشہ استحکام ، ترقی اور ہر قسم کی نحوستوں سے نجات میں مددگار ثابت ہوگا، مندرجہ بالا اسمائے الٰہی 99 مرتبہ اور یا فتاح الرزاق بھی 99 مرتبہ ہمیشہ اپنے ورد میں رکھیں، لوح کی تیاری کے بعد کسی بھی نوچندے ہفتے کو سورج طلوع ہونے کے فوری بعد مندرجہ بالا اسمائے الٰہی کا ورد کرکے لوح پر دم کریں اور اسے پاس رکھ لیں، بعد ازاں 8 بوڑھے یا معذور افراد کو کھانا کھلائیں، لوح معظم یہ ہے۔

موثر اوقاتِ زحل

سیارہ زحل جنوری کے مہینے میں ایسی باقوت پوزیشن میں ہوگا جب لوح زحل کندہ کرنا موثر ہوگا، اس حوالے سے مندرجہ ذیل اوقات اسلام آبادٹائم کے مطابق دیے جارہے ہیں ، دیگر شہروں کے شائقین اپنے شہر کا اسلام آباد سے تفاوت وقت معلوم کرکے دیے گئے اوقات کو درست کرسکتے ہیں۔

11 جنوری بہ روز بدھ قبل طلوع آفتاب 04:13am سے 06:02 am ۔

12 جنوری 06:10 am سے 07:06 am ۔

12 جنوری 08:53 am سے 09:44 am ۔

13 جنوری قبل طلوع آفتاب 03:58 am سے 05:10 am ۔

13 جنوری 06:10 am سے 07:17am ۔

14 جنوری 03:58 am سے 05:04 am ۔

14 جنوری 08:07 am سے 09:05 am ۔

15 جنوری 07:17 am سے 08:11 am ۔

16 جنوری 08:11 am سے 09:05 am ۔

لوح کو کندہ کرنے سے پہلے سیارہ زحل کا بخور جلائیں جو میعہ سائلہ ہے،ا گر ایک وقت میں لوح مکمل نہ ہوسکے تو باقی کام دوسرے وقت میں بھی کیا جاسکتا ہے۔

جو لوگ اس لوح کو خود تیار نہ کرسکیں وہ وقت سے پہلے براہ راست رابطہ کریں۔