لوح تسخیر اعظم کے نایاب و مجرب نقش کا تحفہ ءخاص
نئے سال 2017 ءمیں سیارہ زہرہ کو دو بار شرف کی قوت حاصل ہورہی ہے،پہلی بار 30 تا 31 جنوری زہرہ درجہ ءشرف پر رہا بعد ازاں 4 مارچ کو برج حمل میں اسے رجعت ہوگئی اور بحالت رجعت اپنے شرف کے برج کی طرف واپسی کا سفر شروع ہوگیا، چناں چہ دوسری بار پاکستان اسٹینڈرڈ ٹائم کے مطابق 13 اپریل 12:22 pm سے شرف کے درجے پر دوبارہ آمد ہوگی اور یہ آمد عام معمول سے مختلف ہوگی یعنی 17 اپریل 18:47 pm تک سیارہ زہرہ درجہ ءشرف پر رہے گا۔
13 اپریل کو درجہ ءشرف پر واپسی بحالت رجعت ہوگی اور اسی درجے پر استقامت کا عمل ہوگا، گویا یہ زہرہ کی اسٹیشنری پوزیشن ہوگی جو 17 اپریل تک جاری رہے گی، ہمارے نزدیک کسی سیارے کا ایک ہی درجے پر مستقیم حالت میں دیر تک قیام نہایت طاقت ور اثرات کا حامل ہے،اتفاق سے یہ زہرہ کے شرف کا درجہ بھی ہے۔
قدیم اصول و قواعد کے مطابق حالت رجعت میں سیارے کو کمزور قرار دیا گیا ہے،واضح رہے کہ یہ قدیم اصول و قواعد تقریباً دو ہزار سال پہلے یونانی علم نجوم کے باوا آدم بطلیموس کے مرتب کردہ ہیں اور بعد میں ان میں کبھی کوئی ترمیم و اضافہ نہیں کیا گیا لیکن مختلف زمانوں میں بعض ماہرین فلکیات نے بعض اصولوں پر اعتراض ضرور کیا ہے،یہاں تک کہ شرف و ہبوط کے درجات بھی بعض ماہرین کے نزدیک متنازع ہیں۔
عزیزان من! قدیم زمانے میں جو تحقیقات ہوئی ہیں، وہ حرف آخر نہیں ہیں، اگر علم نجوم ایک سائنس ہے، کوئی غیب کا علم نہیں ہے تو اس میں نئے نظریات اور نئے اصولوں کو جدید تحقیق کی روشنی میں اختیار کرنا کوئی جرم نہیں ہے بلکہ علمی اصولوں کو بہتر اور زیادہ کارآمد بنانے کے مترادف ہے،لکیر کے فقیر بنے رہنا کسی بھی علم و فن کی ترقی کا باعث نہیں ہوسکتا۔
ہمارے نزدیک سیارہ زہرہ کا دوسرا شرف جو اس سال اپریل میں ہوگا، بہت سے ماضی کے شرفات سے زیادہ مو ¿ثر اور باقوت ہوگا کیوں کہ زہرہ اپنے شرف کے درجے پر معمول کے وقت سے زیادہ عرصے تک قیام کرے گا، اس مو ¿ثر ترین شرف کے موقع پر ہم ایک نادر روزگار نقش قارئین کی خدمت میں پیش کر رہے ہیں جو اپنی تاثیر اور افادیت میں لاجواب ہے، ہمارا مجرب المجرب ہے اور ہم نے کبھی اس نقش کے اثرات کو فیل ہوتے نہیں دیکھا، اس لوح کا نام ہم نے ”لوح تسخیر اعظم“ رکھا ہے کیوں کہ سورئہ توبہ کی جو آیت مبارکہ اس نقش میں استعمال ہوئی ہے اس کے بارے میں تقریباً تمام ہی علمائے جفر کا اتفاق ہے کہ یہ تسخیر کی سب سے زیادہ مو ¿ثر ترین آیت ہے، اس آیت کا نمبر سورئہ توبہ میں 128,129 ہے اور سورئہ توبہ کی آخری دو آیات میں شمار ہوتی ہے۔
لقد جاءکم رسول من انفسکم عزیز علیہ ما عنتم حریص علیکم باالمومنین رو ¿ف رحیم فان تولوا فقل حسبی اللہ لاالہ الا ھوا علیہ توکلت وھو رب العرش العظیم
زیر نظر لوح اسی آیتِ مبارکہ سے مرتب کی گئی ہے جو یہ ہے
نقش کی چال کے لیے درمیان کے چار خانے رہنمائی کریں گے،خانہ نمبر 1 سے شروع ہونے والی آیت خود اپنا رُخ متعین کرتی ہے اور آخری خانے تک ترتیب وار پُر کی جائے گی،اسی طرح خانہ نمبر 2 سے جو آغاز ہوگا وہ بھی ترتیب وار نقش کے کسی کونے تک جائے گا، گویا مکمل آیت نقش میں چار بار لکھی جائے گی،آیت کا آغاز درمیان سے ہوگا اور اختتام چاروں کونوں میں سے کسی ایک کونے پر ، یہی اس نقش کی چال ہے۔
ہم نے یہاں سادہ نقش دیا ہے لیکن اصول نقش اور قواعد عملیات کی مکمل پابندی ضروری ہوگی یعنی قولہ الحق ولہ الملک کے ساتھ نقش کے دائیں بائیں حمعسق اور کھیعص کے ساتھ تمام ملائکہ و دیگر مو ¿کلات بھی لکھے جائیں گے۔
13 اپریل کو شرف کا آغاز ہوگا تو قمر در عقرب ہوگا لہٰذا 14 اپریل سے جب قمر برج قوس میں داخل ہوجائے گا تو سیارہ زہرہ کی ساعتیں اس نقش کو تیار کرنے میں معاون ہوں گی، یہی نقش شرف شمس میں بھی تیار کیا جاسکتا ہے،اس سلسلے میں فرق یہ ہوگا کہ اگر تسخیر امراءو حکام مقصود ہو ، دنیا میں اعلیٰ مقام و مرتبہ درکار ہو تو اس نقش کو شرف شمس میں تیار کریں،کاغذ پر لکھیں تو عرق گلاب میں مشک و زعفران و امبر ملالیں،چاندی یا سونے پر بھی تیار کرسکتے ہیں اور تانبے پر بھی لکھا جاسکتا ہے،بخورات شرف کی مناسبت سے جلائے جائیں اور خوشبویات بھی اسی مناسبت سے یعنی زہرہ کے وقت پر زہرہ کے بخور اور خوشبو اور شمس کے وقت پر شمس کے بخور اور خوشبو، رجال الغیب کا خیال رکھا جائے۔
شرف زہرہ میں تیار کردہ نقش تسخیر عام کے لیے کارآمد ہوگا،کاروباری ترقی ، عام لوگوں میں مقبولیت اور شہرت ، شادی میں رکاوٹ اور بندش وغیرہ کے لیے مجرب ہے،اگر کاغذ پر لکھ کر فریم کراکے دکان یا مکان میں لگائیں تو کاروبار ترقی کرے گا اور گھر میں محبت و اتفاق اور خیروبرکت خوب ہوگی، الا ماشاءاللہ۔یہ ایک ایسا تحفہ جسے آپ کبھی فراموش نہیں کرسکیں گے۔
نقش یا لوح کی تیاری کے بعد کسی بھی نوچندی جمعرات کو 111 مرتبہ مکمل آیت شریف پڑھ کر لوح پر دم کریں اور پہن لیں، بعد ازاں روزانہ 111 مرتبہ اپنے ورد میں رکھیں،انشاءاللہ حیرت انگیز نتائج ملاحظے میں آئیں گے۔
کوئی تبصرے نہیں:
ایک تبصرہ شائع کریں